蘋果日報 | APPLE DAILY
› 選擇地區
三藩市
紐約
洛杉磯
其他美國地區
2013年01月17日

自稱後生過郭富城 聽審公眾爆笑
鄭威濤被官窒「畀證供唔係上電視講稿」

【板前股權糾紛案】
【本報訊】板前壽司股權糾紛案,興訟的生意拍檔昨天引述鄭威濤的誓章,指鄭在誓章中喜歡炫耀自己,一再提及不少跟官司無關的事,例如指自己「着好多Issey Miyake,𠵱家就着Armani」、「後生過郭富城」,更提及當年投得「日本一」藍鰭吞拿魚而獲港日傳媒報道,他直言:「我等咗呢日等咗21年」。
記者:陳佩明

原告在高等法院引述鄭威濤於商標註冊官司中曾提交誓章,當中反映他「鍾意講威嘅嘢,居功嘅嘢,講到天花龍鳳」。鄭於誓章中提及曾與藝人官恩娜、李純恩主持電視節目《和味無窮》,「我企喺李純恩身旁講流利日文。」原告質疑這與商標註冊官司有何關係。
鄭並於誓章中輕佻地表示自己「39歲,後生過郭富城,唔會好似佢咁喺演唱會用水淋僱員」,「(我)着好多Issey Miyake,𠵱家就着Armani。」 鄭昨天聞言無言以對,但公眾席上的原告支持者卻爆笑。

官:邊個幫你做誓章

原告稱從誓章可見,鄭就2008年投得「日本一」感到自豪,當時表現得相當高調,鄭回應:「唔知有咁多人報道」,否認享受成為焦點,但他在誓章中提到「我等呢日等咗21年」。原告指他當日「扮日本人」競投,鄭沒正面回應,只強調自己沒「跣」日本人。
鄭另提及昔日在日本做學徒的辛酸史,及自己的花名是「AK47」及「Tank(坦克車)」。原告質疑鄭因脾氣火爆得名,但鄭解釋,因緊張食物的出品而鬧人,並非經常發脾氣。
原告重申,誓章根本無助打官司,主審法官亦加口:「唔知邊個幫你做呢份誓章,提醒你畀證供唔係上電視講稿。」原告進一步指鄭:「真正重要嘅絕口不提,呢個係你打官司嘅策略?」鄭否認,重申不熟悉法律程序。但原告指鄭沒有預先在證人供詞內披露對爭議點的說法,故意留在出庭時爆肚進行突襲。
案件編號:HCA1269/09, 304/11

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載