› 選擇地區
三藩市
紐約
洛杉磯
其他美國地區
香港 台灣 北美
 
2013年01月14日

李少光:內地反貪幾乎不可能

【記者許偉賢報道】保安局前局長李少光一擊即中,榮膺新一屆港區人大代表「新人王」;任內想為中國打好廉潔及法制兩支樁,改革內地藉「搞關係」腐敗歪風。現實卻是:要在內地反貪腐,談何容易?李承認五年任內,或許只能掃除一粒沙石;自甘當愚公,只希望持續有後來者。

相關新聞:只顧湊孫 不看兒子做戲

任人大拋磚引玉

新一屆港區人大代表今天到深圳出席兩會前的預備會,剛以1,387票、以第二高票當選的李少光是其中一位。他接受訪問時笑稱,「冇諗過要做(新人)票王」,任內最想整頓內地廉潔及法制歪風,但承認改革工程浩大,「要將中華文化裏面好多『搞關係』嘅嘢改變,真係唔容易,但總要有人拋磚引玉,提下意見」。
去年中卸任保安局局長的李少光稱,不少朋友鼓勵他借助過往擔任廉政專員的經驗,將內地領向廉潔之路,終推動他踏上人大之路,承認任內要達標,幾乎是不可能的事,因為「呢場(反腐倡廉)係一場要打幾十年嘅仗」,「香港一個人少少嘅城市,都要用上一代人嘅時間,先至建立到廉政公署嘅品牌,相對中國幅員咁大嘅地方,冇一、兩代時間,都肯定唔會完全扭轉腐敗問題」。
雖然任內可以做到的事,微不足道,李少光卻希望他在道上掃除的一、兩粒沙石,鼓勵後來者,加上他留意到中共領導人有此決心,「好似一啲地區山寨王(亂執法),我相信中央政府唔允許」。他希望港區人大代表一條心,「向中央反映市民要求中國反腐倡廉嘅睇法」。

拒評劉曉波被囚

一如為官時,李少光依舊不評論內地發生的個別個案,劉曉波被囚、劉霞被軟禁,一概拒評,只稱:「正如我哋唔希望內地處理香港執法嘅事,我哋亦唔應該評論內地嘅執法,河水不犯井水」。他強調,改革制度遠勝處理個別個案,預告不會像部份人大代表,不時聯署聲援某某人,「但都唔抹殺有啲個案都會出聲嘅」。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載