› 選擇地區
三藩市
紐約
洛杉磯
其他美國地區
香港 台灣 北美
 
2013年01月14日

薄利多銷 經營逾二十年 
街坊小店 不敵加租 珍味盞結業

【本報訊】街坊小店買少見少,在藍田屹立20多年的珍味盞泰國菜館,不敵加租狂潮,由9萬元月租加至15萬,老闆娘含淚說難抵業主大幅加租六成,昨晚光榮結業。大批街坊近月連連幫襯,大嘆不捨。昨日店裏店外更是擠得水洩不通,由細食到大的熟客,得知舖位將改租予連鎖食肆後感懊惱:「以後仲有乜嘢可以食?」有學者批評,本港的壟斷性資本已無孔不入。
記者︰簡明恩 張珮琪

老闆娘珍姐(58歲),20多年前一手一腳經營食店,後來生意漸上軌道,獲叔仔幫手靠薄利多銷,但最終無奈結業:「其實好唔捨得,喺度廿幾年有感情,好多街坊支持,話食我啲嘢好似喺屋企食咁!」店外張貼了結業啟事,向街坊道別。
讀幼稚園時已跟媽媽幫襯的街坊呂小姐,見證珍味盞由區內徙置區的棚仔檔遷到後巷做生意,演變至今的大街啟田道地舖,她早前得知食店即將結業已經開始懷念其美食,最近更日日幫襯:「我同先生喺度諗以後仲有乜嘢可以食,可能要去九龍城,但一定貴好多!」昨午,她聯同姑仔劉小姐及友人作最後捧場,還拉着珍姐拍照留念。

連鎖店頂租 食客選擇趨單一

食店聘有20名員工,珍姐說:「我想做到過年,驚佢哋農曆年前搵工難,但由9萬月租加到15萬,傾唔掂!」現正為員工商討替新租戶繼續工作。珍姐說新租戶為連鎖的傷心酸辣粉專門店,以其一碗招牌酸辣粉賣26元計算,每日至少賣193碗才可抵銷月租15萬元開支。
理大社會政策研究中心主任鍾劍華稱,壟斷性資本無孔不入,小本經營的空間越來越細,本港無相關的政策保障小商戶,令巿民的選擇越趨單一,過往的多元性社會將不復見。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載