› 選擇地區
三藩市
紐約
洛杉磯
其他美國地區
香港 台灣 北美
 
2012年12月14日

13間中招食肆回應

尚賓樓

尚賓樓【即時退貨】

地溝油事件中「中招」的尚賓樓有兩間分店,位於葵芳恆景花園商場分店的葉經理表示:「今早見到報道已即時退貨,(永興)真係奸商,我們都係受害者,幫襯幾年都唔知佢咁做,好彩手上有幾個供應商,已即時加貨應付需要。」

相關新聞:無辜捲入事件 皇冠︰03年終止合作

龍寶酒家【不欲多談】

有三間分店的龍寶酒家,分別在葵芳、將軍澳和深水埗,主力做街坊生意,深水埗分店的江經理對事件不欲多談:「冇嘢講,食環署今朝(昨早)已經嚟過,抽走食油樣本,我哋都已經即時退貨,朝早聯絡過永興,但都搵唔到佢哋。」

裕滿人家【主管革職】

裕滿人家有12年歷史,全港共有7間分店,以粵菜為主打,記者昨日到長沙灣分店查詢,不願透露姓名的負責人大為緊張:「之前你們訪問個職員(貨倉部主管)炒咗嘞,我哋點樣去處理嗰啲油,同埋生意有冇影響我們都唔答。」

相關新聞:倘死亡或患病 食客可以循民事索償

豚肉飯專門店【生意急跌】

位於九龍灣展貿中心的「豚肉飯專門店」,昨在店外貼出告示,指已轉用另一油行的芥花籽油,餐廳主任許小姐大嘆:「同永興合作幾個月,都唔係貪平,以後一定唔合作,我哋都係受害者,聲譽大受影響,午市生意已急跌咗五成。」

囍雲天【嚇到報警】

位於觀塘的囍雲天酒家負責人陳太透過電話回覆:「今日(昨日)生意跌了兩成,我們已即時轉用其他供應商,以後都會用大公司啲貨,有好多網民發起唔嚟食嘢,仲有人打嚟恐嚇話我哋,冇陰功,要來打劫我哋,嚇到我要去報警。」

嘉豪酒家(三間)【街坊諒解】

「樣樣食材都要供應商畀合格證書好難做到,我哋行內人都係靠口碑攞貨」。有七家分店的嘉豪酒家董事經理陳志超,對其旗下三間酒家誤收地溝油事件感到很無辜,「幸好街坊同茶客都諒解酒樓都係受害者,因為我哋都唔係由大陸入貨」。

坤記麵廠【傾倒油麵】

灣仔寶靈頓道坤記麵廠售賣傳統麵食,負責人崔小姐說:「永興啲油主要製造伊麵,事後已將油同麵全部傾倒,損失過萬元,害到人好慘呀!希望市民明白唔關我哋事,家轉用另一間都唔知係咪安全。」

旺記飯店【恐損聲譽】

銅鑼灣登龍街的旺記飯店,以潮州打冷著名,負責人謝先生說:「飯店經營20多年,信譽一向好好,最擔心影響聲譽和生意,做食肆最重要是良心,要過到自己一關,知永興啲油有問題,一定唔會再用。」

鰂魚涌華威酒家【張貼通告】

鰂魚涌華威酒家為挽回食客信心,昨在酒家門口貼上通告,聲稱已停用永興提供的食油。至於如何處置用剩的地溝油,酒樓負責人不肯說,並大發雷霆,出手推撞記者。

香港仔權發飯店【劃清界線】

為了與地溝油劃清界線,有六間分店的權發飯店老闆吳偉權,昨日即在各分店張貼澄清啟事。他強調其直接管理的五間分店,全是使用有衞生署簽發合格證的泰國油,「用永興油係香港仔間分店,間舖係同人合作,已立即終止合作關係,稍後(12月31日)就收返個招牌」。

囍慶藝廚酒家【經理被罵】

「我哋同永興攞好少油,今朝就即刻倒晒佢哋啲油」。捲入地溝油事件的土瓜灣海悅廣場囍慶藝廚酒家林經理面對採訪,多番欲言又止。據夥計稱,經理曾被茶客當面指摘,有人甚至指罵他是黑心奸商。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載