蘋果日報 | APPLE DAILY
› 選擇地區
三藩市
紐約
洛杉磯
其他美國地區
2012年12月12日

「唐英年」入場申冤

40,311

【本報訊】特首選舉期間,梁振英狂轟對手前政務司司長唐英年就僭建問題講大話是無誠信的表現。社民連成員黃浩銘昨戴上唐英年面具,扮成「唐唐」現身諮詢會內,向梁大反擊,炮轟梁「我嘅僭建係誠信問題,你嘅僭建就唔係誠信問題?」,高呼「還我公道!」全場又不時響起唐英年的金句「梁振英,你呃人」,似在向梁「討債」。

高呼「還我公道」

「唐唐」在場外已不斷高呼「梁振英、大話精」,在場內,他有幸地被抽中發言,即時申冤說:「我係唐唐,梁振英,你選舉嘅時候話我僭建嘅問題,唔單至係僭建,係誠信問題,但你話你嘅僭建就唔係誠信問題?」他又質問「你會唔會開放赤柱大宅畀傳媒入去睇?還我公道!立即普選!」
場內的其他反梁人士,如黃洋達等人,不時重覆播出特首選舉論壇時,唐英年踢爆梁振英「講大話會滴汗」的聲帶,「你(梁振英)好識得推卸責任,梁振英,你呃人!……佢講大話有個特徵,係會滴汗㗎」,點中梁的「死穴」,梁即時面黑,十分尷尬。

蘋果日報fb,每日分享精選新聞及網絡新鮮事。
返回最頂
香港 台灣 私隱聲明 服務條款 刊登廣告 聯絡我們 招聘 訂閱版: 飲食男女|    Ketchup|    壹週刊
© 2018 AD Internet Limited. All rights reserved. 版權所有 不得轉載