蘋果日報 | APPLE DAILY
› 選擇地區
三藩市
紐約
洛杉磯
其他美國地區
2012年11月27日

性別研究學者梁偉怡: 
逆向歧視冊子講大話

梁偉怡批評逆向歧視小冊子中的案例不盡不實,決心向公眾揭露真相。馬泉崇攝

本身是基督徒的梁偉怡,在中大任性別研究課程講師,數年前看到維護家庭聯盟出版的逆向歧視小冊子,好奇追查法庭判詞,結果發現所謂因反同言論而惹官司的個案全部都不盡不實,「嗰時覺得好嬲,點解佢哋要擘大眼講大話?佢哋捩橫折曲、加鹽加醋,就係想人驚咗呢條(反歧視)條例」。於是他把個案結集,決心向公眾揭露實況。
梁偉怡得悉真相時非常震驚,「《聖經》唔係話『是,就說是;不是,就說不是;若再多說,就是出於那惡者』㗎咩?點解佢哋唔本住事實去講?」

相關新聞:明光社關啟文: 憂團體要求同志婚姻

引惠普案例不盡不實

他舉2004年美國惠普公司案為例,小冊子指「有一員工因張貼《聖經》反對同性戀的經文而遭到解僱,理由是他煽動不寬容的工作氣氛」。梁偉怡發現,該公司當時正推行多元和諧工作間的活動,並印製了一系列海報,包括黑人、老人、西班牙人、同性戀者等,以示接納不同背景的員工;其中一名員工Richard Peterson在印有同性戀者字眼的海報上,貼上《聖經》〈利未記〉的經文「如果有人與男人同睡,像與女人同睡一樣,他們二人行了可憎的事,必要把他們處死,他們必須承擔流血的罪責」。
「貼句咁嘅嘢喺度,又冇解釋係乜,係好暴力㗎喎,公司多次勸喻佢(張貼經文者),佢死都唔肯攞番落嚟,先解僱佢。家係咪宗教可以橫行無忌呢?點解本書講一半唔講一半,唔講佢貼咗乜經文,又唔講佢塗污咗公物呢?」
他對立法會議員涂謹申尤為不滿,「佢作為一個立法會議員,又係律師,可以完全唔查證,唔喺發言同投票前重新深入搵番相關嘅資料,公然講呢啲錯誤嘅例子,係非常之不負責任」。

法律學者撐反歧視法

曾任平機會培訓顧問的樹仁大學法律與商業學系系主任趙文宗,同樣不認為反歧視法會帶來逆向歧視,「言論自由唔係全無限制,唔係absolute(絕對),唔係可以傷害人嘅尊嚴㗎嘛,好多嘢我哋以前覺得無問題,好似講sex jokes(黃色笑話)、喺公司貼大大張性感女性poster(海報),家都會覺得有問題啦,法律其中一個目的正正係教育人」。
他不認為反歧視法嚴苛,「法例可以modify(修改),所有法例都有機會被濫用㗎啦,你要唔信法庭、唔信法官,咁我幫唔到你㗎喎,係咪因為一兩單官司就質疑成個司法制度先?」

相關新聞:三信徒三角度看同志平權

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載