› 選擇地區
三藩市
紐約
洛杉磯
其他美國地區
香港 台灣 北美
 
2012年11月06日

隔牆有耳:
刻薄待嫁女 叫人咪做$500人情 - 李八方

結婚除咗係人生大事,仲係高消費活動,噚日有張facebook cap圖喺網上瘋傳,話說有位港女就快披嫁衣,選擇去酒店擺婚宴,但就超刻薄同朋友講人情畀得500蚊就唔使到喇喎,「令你做(造)成經濟困難真不好意思,我也不是開善堂」,「貧友」聽落唔心酸就奇。

被網絡公審激到暈

呢位港女話,「我婚禮在酒店不是在酒樓,而且是自助餐,還要不是那種三星下濫的酒店」,仲話有同事去呢啲三星酒店又畀500,去佢呢種級數酒店又係畀500,「我覺得你把我跟那種人比下去了,那乾脆別來好了」、「有人真係畀得出500我絕交都似」、「我真係唔想我幫補你畀成3嚿幾水出嚟請你嚟」,果然係女中豪傑。
只怪呢位小姐太高調,網上資料話女事主係一位公務員,連現時住址、前兩任男友、現任準老公、親戚朋友全部刮晒出嚟;係聲明度護妻話:「有港女會一個人在男朋友外出的時候把家裡雜清理得井井有條嗎? 有港女會在家替男朋友洗衣、掃地、洗池、換床單、好等男朋友回家後不用做可以休息?」。女事主未婚夫Ivan同八方講,女友突然被網絡公審,噚日已經激動到暈咗幾次,「你試過係fb一日收到500個friend request未?」佢話,女友嘅原意並唔係好似網民咁諗。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2020 AD Internet Limited. All rights reserved. 版權所有 不得轉載