› 選擇地區
三藩市
紐約
洛杉磯
其他美國地區
香港 台灣 北美
 
2012年10月31日

八方人物:內地尖子教八十後跳槽

你相信數字人生嗎?如果相信,陳曉瑋(Vikey)的人生,怕且相當美滿!25歲,七年前來港、畢業三年、做過五份工,全是全球500大企業,每份平均加薪35%,最高五成。仲有閒情花半年執筆寫書,教八十後跳槽之道。這名以一級榮譽大學畢業的內地尖子,會擔心被港人狂轟搶飯碗推高樓價,成為港女勁敵嗎?「今年住滿七年,我都係香港人!」小妮子如是說。

曾犯低級錯誤

因為陳曉瑋在亞瑪遜出版的英文電子新書《Quit Small Jobs, Make Big Money》(八十後教你跳槽搵錢),記者約她在母校浸大接受訪問,甫見面即遞上履歷表(CV):主修人力資源管理,GPA 3.68(最高4),四年前在美國做交流生,GPA 3.92。做過迪士尼、飛利浦等大公司,自信爆棚。
「我讀HR,偏偏犯咗HR大忌,兩年轉五份工,好多前輩都話犯咗呢行最低級嘅錯誤,但我認為人生毋須特定公式。只要說服到你面試嘅公司,你有能力幫佢哋創造到好嘅業績,Why not?」手袋隨身帶備CV,不放過任何機會。畢業三年,投寄的求職信不下1,000封,面試次數早過100次。

勇於爭取機會

「去美國交流嗰一年,別人趁假期去旅行,我就寄信去大公司要求實習,有跨國公司總裁嚟學校演講,一下台我就衝上前遞上CV,終於爭取到實習機會」。成績超班、自信進取,擁有中港經驗,小妮子的「跳槽實戰攻略」,是否適用於一般大學生,見仁見智,作為競爭力強勁的內地尖子,在港讀書、求職,甚至置業,她認為自己的出現,是種威脅嗎?
「我係比較幸運嘅一群,居港讀書、工作七年,覺得香港係一個包容多元嘅社會,從來唔覺得被歧視。作為外來人,我睇到香港嘅好,自由社會,否則我都唔可以轉咁多份工,喺內地,某程度要靠關係,呢個係香港優勝之處」。她說。
來自廣州,父親是五金皮革商人,有一個細11年的「超生」妹妹。孤身在港,她說正努力儲首期,準備一批出香港永久居民身份,就向銀行按揭買樓,「會買遠一啲,香港嘅樓唔平,做九成按揭,剩番啲錢供架車代步」。
記者 呂麗嬋

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載