蘋果日報 | APPLE DAILY
› 選擇地區
三藩市
紐約
洛杉磯
其他美國地區
2012年10月24日
馬上成為壹會員

余志穩轟新政訊息混亂

余志穩認為特惠生果金變得像棵聖誕樹,「每個人都將自己想爭取嘅目標掛咗上去」。 李家皓攝

【本報訊】都是說話偽術惹的禍:競選時說這是「特惠生果金」;掌權後卻說是「扶貧」的「長者生活津貼」。香港樂施會總裁、社署前署長余志穩接受訪問時批評,有關政策出台時訊息混亂,弄至「特惠生果金」變成一棵「社福聖誕樹」,「每個人都將自己想爭取嘅目標掛咗上去」。他支持設入息審查,但認為每月2,200元的津貼額「肯定唔夠」。

相關新聞:特稿 扶老不足 生果金變火頭

指2200元津貼額太少

80多個團體明天會到立法會就「特惠生果金」發表意見,撤銷資產審查、調高津貼額、過渡至全民退休保障等呼聲不絕。余志穩形容各團體也順勢將自己倡議的政策「掛埋係呢棵『聖誕樹』度」。
推銷政策一片混亂,源於政府語焉不詳。余志穩直指,長者生活津貼出台時「有啲問題」,「最先話係特惠生果金,跟住話係扶貧」,「如果一開始時講得清清楚楚,唔好一段段,因為一個政策,市民接唔接受,頭嗰一兩日嘅分析、報道、討論係好重要」。
梁振英3月競選時,提出增設特惠生果金,有意無意營造出「人人有份」的期望,本月初才公開表示現時推出的政策是長者生活津貼。余說:「咁選舉之前,佢(梁振英)唔係政府裏面嘅人,冇人講畀佢聽有乜實質問題,當佢上場掌握實際權力,權力會帶來好多問題,所以要做一啲改變」。
余志穩支持特惠生果金設入息審查,但認為每月2,200元的津貼額「肯定唔夠」。他引述樂施會的調查指,長者每月起碼要3,900元才夠過活,「家一係靠綜援、一係靠生果金再執紙皮,係唔公義,中間冇一個機制,等仔女畀些少,政府幫補吓」。他主張先通過方案,「我哋應該攞咗先,起碼過咗即刻有錢收」。

張國柱倡取消衰仔紙

立法會社福界議員張國柱則指特惠生果金方案是四不像,「既唔係生果金,因唔係全民有份;話佢係扶貧措施,又扶貧無力,一係就索性改革綜援制度,取消衰仔紙(不供養父母證明書)」。若撤銷資產審查,增加津貼額至3,000元,會否導致大量長者申領?張國柱認為,現時的生果金,約一半人申領,若放寬限制,估計會增至約六成適齡人口申領,負擔不太大。「如果做過渡去全民退保,到咗2020年,呢個特惠生果金已可以取消,唔會造成長遠負擔」。

相關新聞:羅致光護航:全民退保不急

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載