› 選擇地區
三藩市
紐約
洛杉磯
其他美國地區
香港 台灣 北美
 
2012年10月13日

示威稀客︰港越來越像大陸

明偉添認為遇上不公義就要反抗,從未想過認罪了事。

【本報訊】六四踢保案被告清一色「牛記笠記」社運友,惟獨一個「路人甲」穿恤衫西褲,記者都叫不出他的名字。路人甲叫明偉添,在大陸開廠,家住北角半山。他去年六四晚難得一次參加遊行,就遭警察抬走、拘捕、檢控,至現在的非法集結罪成。由始至終,明哥從沒想過認罪了事,「遲啲廿三條過埋,我就變顛覆。都冇話無唔無辜,鬼叫我喺香港咩」。

相關新聞:朱凱迪寧坐監不認錯

內地開廠 見盡公安壓迫

「我係一個小中產,冇乜訴求就唔遊行」。除了每年六四燭光集會,明哥鮮有示威,去年因不滿警權過大,心血來潮在維園跟大隊遊行往北角警署,「行到一半條隊停咗,我八卦去前排睇乜事,我同幾十個人就畀幾十個警察包圍」。他問其中一名警員「點解唔走得」,又傾前身子嘗試離開,結果這動作被警方攝錄機拍下,成為呈堂證據,「警察話我衝擊,明明打人先係暴力,我輕輕掂到佢都叫暴力」。
從拘捕到審訊,明哥形容整個過程「絕對荒謬」,他被迫放下生意,到法庭應訊等於提前「坐10幾日監」,「非常浪費時間金錢,如果認罪,可能罰少少錢,唔使搞咁耐,普通市民梗係寧願認咗佢」。但他堅信,遇上不公義就要反抗,「我以為非法集結條罪用嚟搞黑社會,差人擺明想嚇怕其他市民,但係未嚇到我。我嘅心態係,如果真係坐監,就當返咗大陸」。
明哥在內地開電子廠,見盡公安壓迫同胞的手段。他慨嘆近年香港變了,越來越像大陸,「以前示威完,政府知道要點做,大家就算。可能政府做得差,唔知點解咁驚示威者,警察唔知點解要打壓你」。這場仗還未完,他義無反顧上訴到底,「唔會灰,繼續爭取囉,否則再有菜園村同類事件,支持嘅人就會少。遊行值得參加就去,拉我都冇辦法」。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載