› 選擇地區
三藩市
紐約
洛杉磯
其他美國地區
香港 台灣 北美
 
2012年10月13日

王浩賢:法庭激化社會矛盾

王浩賢為女友葉寶琳的「卧底指控」感憤怒。

【本報訊】被判監四星期的王浩賢與葉寶琳,過去半年因戀情曝光加上得到左派抹黑,在本報李八方版人氣急升,宣判前王一段「親愛的」愛的宣言,不但再次引發社運界對葉寶琳的「主權爭議」,也觸動了一場爭認卧底的現象,二人一度揚言要在獄中結婚;但隨着被判緩刑和罰款,二人未來最逼切的任務相信是繼續揭露《公安條例》的不義之處,「獄婚」計劃要稍稍擱置。

相關新聞:朱凱迪寧坐監不認錯

司法獨立已不存在

對於今次被控,浩賢直認有心理準備,「近年政府越嚟越鍾意將啲問題放上法庭,但法庭解決唔到社會矛盾,只會將矛盾激化,呢啲事原本應該用政治方法去處理」。他相信政府想透過法庭提高市民參加社運的代價,打擊一般巿民參與行動的意欲。
但他表明不會退縮,又提醒香港人要有心理準備抵抗,「家政府越嚟越肆無忌憚,同內地維穩嘅方針一脈相承,唔要聽到異見聲音」。王浩賢直言香港人的基本人權衰敗得極快,「遊行行到一半,警方突然唔鍾意就可以唔畀你行,就可以拘捕,相當震驚,之後仲要選擇性檢控,所謂司法獨立已經不存在」。
近年公民社會變得活躍,王浩賢相信他們挑動了中央政府和特區政府的神經,組織者成為政府眼中釘,「因為我哋挑動到真嘅問題,所以佢哋唔單止告我哋,仲動用到媒體同埋五毛嚟鬥我哋、抹黑我哋」。
其女友葉寶琳近日被抹黑為政府卧底,浩賢坦言有點不開心,回應時動了真氣,「咁呢個世界仲有乜嘢人係好人?仲可以信邊個係真心?係咪要坐監先可以明志」。他希望社運朋友不要被分化,「我哋希望呢件事令大家重新關心番公安條例,我哋要好似一塊揳腳石咁,唔畀政府揸倒後車」。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載