› 選擇地區
三藩市
紐約
洛杉磯
其他美國地區
香港 台灣 北美
 
2012年10月13日

朱凱迪寧坐監不認錯

朱凱迪稱若被判監,最擔心女兒沒他在旁能否適應。

【本報訊】如果閣下覺得唐太郭妤淺可以選特首,最大的可能是你不認識朱凱迪的太太。當今次的被告之一朱凱迪擔心坐牢會影響家庭,考慮向感化官表示悔意,太太卻力撐丈夫「寧坐監、不認錯」。朱凱迪希望透過今次的判決,活化對《公安條例》的討論,解除巿民頭上的緊箍咒,「我哋每個因為呢條例被定罪嘅人,都應該成為推翻佢嘅正面力量」。
口口聲聲說女兒不遷是「膠水」的朱凱迪,壓根兒是癡漢,訪問期間時不時突然切換到「與女兒對話mode」,「遷遷好慘喎,係咪呀」。抱着10個月大、受嚴重濕疹困擾的女兒,朱自詡是「街街天使」,肉緊時一臉鬍渣哄女兒粉臉,「因為我日日同佢去街街,一拎起呢條孭帶呢,佢就會嘩嘩嘩好開心(邊說邊舉起雙手扮女兒)」。

相關新聞:示威稀客︰港越來越像大陸

與女兒玩「探監遊戲」

說到今次的官司,朱凱迪之前曾一度擔心要坐牢,住在村屋地下的他,癡線地發明了一個「探監遊戲」,讓太太抱着女兒在花園外,隔着鐵閘向家裏的爸爸打招呼;宣判前一周,女兒剛學會聽到「bye bye」時揮手,朱凱迪就不停跟女兒說「bye bye」、「bye bye」,「佢好黐我㗎,佢係我女朋友嚟㗎嘛,(怕唔怕返出嚟個女唔記得你?)唔認得咪重新認識囉……可憐嘅遷遷,唔緊要,我哋心靈相通㗎嘛」。
阿爸上庭,不遷在庭外等爸爸;爸爸抱,不遷咬着爹的衣領不放,「不過佢都有好多男朋友嘅。(例如呢?)例如保母個老公,好多男村民都同佢好friend㗎,希望佢可以快啲忘記我」。
朱凱迪無懼坐監企得硬,只因家中有個堅過石堅的好老婆,在審訊期間,他一度想過接受社會服務令,「見感化官,實問我會唔會後悔,我同老婆第一次商量,點知佢話:『梗係坐啦,要後悔?梗係唔好啦』」。
他希望今次事件可以活化對《公安條例》的討論,「想寫啲文章,等公眾諗吓點解警務處有遊行嘅審批權,等大家知道究竟我哋做咗乜嘢事,要付呢個代價,令呢件事有正面嘅影響力」。
他認為,《公安條例》猶如國教初推出,巿民未認識其惡,「個社會未必有洞悉力,唔覺得有逼切性要改,今次判輕啲,下次坐監,但條例又冇改到,始終都係冇用」。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載