› 選擇地區
三藩市
紐約
洛杉磯
其他美國地區
香港 台灣 北美
 
2012年09月21日

票王涂謹申:支持政改判斷錯誤
「民主黨道歉係minimum charge」

涂謹申認為民主黨支持政改方案「做錯咗」,應向支持者道歉。何柏佳攝

【本報訊】民主黨在立法會直選大敗,卻同時出了一個超選「票王」。在超級區議會戰場獲逾31萬票的涂謹申,對兩年前政改方案的立場一直與黨友唱反調;今次選舉結果顯示,不少泛民支持者與他是同路人。涂謹申不諱言,民主黨當日支持政改是「判斷錯誤」;若要重新上路,今後除由新人掌領導層,亦應承認錯誤,「道歉係minimum charge(最低消費)」。
記者:許偉賢

相關新聞:背負厚望 必要時願辭職發動公投

明明是黨內支持五區公投、反對政改方案的死硬派,卻在因政改方案而增設的超級議席選舉中成為「票王」,涂謹申接受訪問時坦言「好諷刺」。他不諱言,泛民三個超選候選人中,只有他反對政改方案,相信因此打動部份選民;選舉後期網上不少泛民支持者發表「含淚投票」論,表示原想在超選投白票,但最後改變初衷,結果泛民取下五席中的三席。

「要話畀人聽做錯咗」

不過,地區直選的結果顯示選民仍未「原諒」民主黨政改一役犯下的錯誤,「分區唔使含淚投票,大把(候選人)有得揀,(民主黨)好多票都係咁樣流失咗」。
對於民主黨今次重創,涂謹申認為,與該黨兩年前走入中聯辦傾政改方案有關。他指出,當時中聯辦承諾該黨,研究一次過就特區未來10年政改發展立法的可能性,換取民主黨妥協,但這承諾從未兌現。「當時民主黨係有個良好意願,覺得(政改方案)會為香港打開新局面,但呢兩年發現,呢件事係冇發生到,又唔覺有人去追喎;或者人哋(中央)係呃咗你。選民都唔係失憶㗎;如果係判斷錯誤,係要話畀人聽做錯咗」。
涂謹申又認為,社會情緒在梁振英3月底當選特首後大逆轉,「就算係今年2、3月,何俊仁選特首時,社會都唔係好強烈意見話民主黨要企硬;但無端端由唐英年變咗梁振英上台,相信泛民主派支持者都唔會支持佢(梁),擔心佢有好多政治任務」。

相關新聞:決心改革 黨內改選盼新面孔上場

「係好大嘅心靈傷害」

近月的連串事件,反映梁振英是徹底「鷹派」,與泛民無對話基礎;「人窮思舊債」,選民沒忘記民主黨政改一役的妥協,但涂謹申認為,若民主黨一早坦承判斷錯誤,答允日後採取不同方式重新出發,全面抗拒中央干預,未必敗選,「如果早啲道歉,至少有選民會原諒你」。
民主黨領導層在政改一役押上十幾年聲譽「博一鋪」,卻慘敗收場,涂謹申認為,今次選舉結果「對佢哋(黨領導層)都係好大嘅心靈傷害」。
但傷痛還傷痛,未來還有漫長民主路要走;若要挽回市民信心,涂謹申認為,「道歉係minimum charge」,並要同時改革領導層,年底改選時由年輕新人接掌民主黨主席,「最緊要嗰啲人唔係傀儡、唔會俾人喺幕後指揮,咁樣先至說服到選民,民主黨係會有新思維」。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載