› 選擇地區
三藩市
紐約
洛杉磯
其他美國地區
香港 台灣 北美
 
2012年09月16日

謝偉俊被指與賓館「扯貓尾」

梁太(左二)的單位被租客改作無牌賓館,她向灣仔區議員白韻琹吐苦水。關震海攝

【本報訊】候任立法會議員謝偉俊的出租單位改裝成無牌賓館,搞手Ron近日更在同一大廈擴充業務,單位慘遭改裝的梁太質疑雙方「扯貓尾」,「點解咁耐都趕唔到佢走?」自言毫不知情的謝偉俊和白韻琹昨日到單位對質,斥責Ron「呃呃騙騙」租用單位,Ron揚言會盡快遷出。

白強調必會收回單位

兩人昨午到位於銅鑼灣海都大廈9樓A,質問Ron是否將房間出租,他堅稱「冇收錢」,其間有懷疑租客出入卻聲稱是Ron的朋友,謝偉俊大嘆:「連租客都教埋話唔係租客。」Ron其後默認經營賓館,「搞呢啲民宿冇一千都幾百啦」,謝反駁:「人哋唔係呃呃騙騙,如果你租嘅時候話做民宿,我唔會畀你租,咁算唔算呃騙呀?」Ron一度無言,揚言正物色地方盡快遷出。
白韻琹事後向記者表示,之前無法證實租客在單位經營無牌賓館,強調必會收回單位。兩個多月前購入海都大廈10樓D的梁太,近日發現單位遭改成賓館,她甫見白韻琹即大吐苦水,質疑兩人與租客同流合污,縱容他擴充營業,身旁的謝偉俊聽後說:「你咪告佢收樓囉……我哋唔係神,都要依法辦事。」

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載