› 選擇地區
三藩市
紐約
洛杉磯
其他美國地區
香港 台灣 北美
 
2012年09月13日

立會新丁 毛孟靜盼與人力合作
「用四年配個靚票畀建制派睇」

以37,000多票當選的毛孟靜表示,上任後將會特別關注動物權益。資料圖片

「甘地話,對待動物嘅態度可以反映一個民族的質素。」立法會新丁之一公民黨候任議員毛孟靜,坦言上任後會特別關注動物權益,「雖然好多人覺得多餘」。她近日忙於到處謝票外,便埋首上網勁like為她拉票的網友。
「有一班人我真係要多謝嘅,就係facebook上面從未見面嘅朋友。」兼職老師及當網台DJ的Miss Mo(毛孟靜)雖經常「靠把口」,但經立法會選舉一役後,也幾乎失聲,「好在多謝佢哋唔使講嘢,可以留言」。

相關新聞:特稿中年始雙失 未流男兒淚

特別關注動物權益

2008年,她在立法會選舉九龍西地區代表公民黨參選,最後落敗。今屆捲土重來,終以37,925票當選洗前恥,較有鐵票支持的梁美芬34,548票多,「我心中有數,其中最少有5,000票,係facebook網民幫我拉番嚟㗎」。她說網友林忌等在選舉當晚不斷為她拉票,「呢度係一個全新嘅票源」。
撤銷國民教育科、設全面的資訊自由法案,都是公民黨新一屆立法會主力工作,毛孟靜自己還有個agenda,「無論係警察、醫院,甚至部份市民都唔理動物權益,成日都話人都未搞掂」。她批評虐待動物案件時有發生,但目擊者甚至執法者「都當睇唔到」。「甘地話,動物嘅態度可以反映一個民族的質素。」
愛護動物,「癲狗」會否例外?有指她上屆落選部份原因是因黃毓民的狙擊,「我反而有個心願,好想同人民力量合作」。她坦言泛民配票失敗,浪費支持者心血,「未知可以點做,但真係想用四年時間,令泛民各區搞好關係,下屆配番個靚票畀建制派睇吓」。新人總有理想,但會否遭四年光陰磨平,拭目以待。
《蘋果》記者

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載