› 選擇地區
三藩市
紐約
洛杉磯
其他美國地區
香港 台灣 北美
 
2012年09月13日

特稿
中年始雙失 未流男兒淚

56歲才「雙失」?李永達聳聳肩笑說:「人生就係好多挫折㗎啦。」男兒有淚不輕彈,敗選後的他,沒有因此流過一滴「馬尿」,受訪時的笑容,更是意料之外的多。「陳樹英做得最啱嘅一樣嘢,就係04年沙士後買咗一層樓,家就嚟供完,唔使擔心我嘅生活。」

相關新聞:立會新丁 毛孟靜盼與人力合作「用四年配個靚票畀建制派睇」

反獲太太陳樹英安慰

他與陳樹英這對民主黨新西「夫妻檔」,選舉時刻意保持距離,不想外界誤會太太是靠他上位。「黨內遴選新西代表、討論到阿tree(陳樹英)嘅時候,我都會避席;佢有呢個位,唔係因為我,係因為佢係有咁嘅資歷。」
結果陳樹英以約2.5萬票,排在老公之後,雙雙出局。首度披大旗便敗選,陳樹英承受的挫折肯定不比另一半少;意外卻是她未有淚盈於睫,反而第一時間是向枕邊人搞爛gag,「唓,你都唔係好叻之嘛,咪多我嗰6千幾、7千票」,李永達豈能不感動?「估唔到係佢反過嚟安慰我……其實佢第一次領軍就有2.5萬票,比黃成智(2.1萬)仲多,已經好叻。」
有2000年因為協助前黨友陳偉業「催票」而墮馬的「寶貴經驗」,李永達不擔心未來四年「冇啖好食」,「當時輸咗都有喺大學教書、又去一啲機構做培訓;我生活好簡單,唔怕捱唔過」。他事先聲明不會入政府,亦不會做游說工作,「做人要有啲底線」。
這失落的四年,他更給了自己一項「特別任務」:大搞形象工程。「可能要畀人感覺親切啲、友善啲啦;平時好似太嚴肅,有時又好寸咁,其實我都肯聽意見㗎」。而他的形象工程底線,是不會用眼淚感動人,「89年64後,我都未喊過」。
《蘋果》記者

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載