› 選擇地區
三藩市
紐約
洛杉磯
其他美國地區
香港 台灣 北美
 
2012年09月10日

圓玄小學逆民意強推國教科

【本報訊】六間小學早前表明本學年開始推行國民教育科,儘管個別學校已退縮;反國教大聯盟表示接獲家長求助,指圓玄小學堅持推行國教科,大聯盟首要任務會援助該等家長。此外,鮮魚行學校校長梁紀昌表示,會繼續推國教科,但內容是讓學生知道中國司法不獨立、一黨專政不民主,「有人視國教係毒藥,我要教學生認識呢粒毒藥,等佢哋唔會亂食」。

相關新聞:路阻且長花數小時磋商 一致決定撤離

「小學要轉校好難」

家長關注組召集人陳惜姿昨透露,一名屯門直資保良局香港道教聯合會圓玄小學家長前晚兩眼通紅,握着她的手求助,指校方堅持推行國民教育科,「佢話要動員其他家長好困難,家教會未必咁關注呢個問題;又話睇到個課程相當空泛,睇唔到細節,只係講認識山河、國家地理歷史」。陳表示,反國教大聯盟將會視這些已開科學校為「頭號需要幫助同支援對象」,義無反顧協助有關家長,「如果家長覺得孤掌難鳴,就會自動消音,小學要轉校係好難」。本報昨致電圓玄小學校長張志鴻查詢,至截稿未有回應。另外,鮮魚行學校表明10月會開科,校長梁紀昌強調,國教科的教材由學校自行編寫,內容並非唱好中國,「我哋想學生認識中國國情,正反兩面都會講,會講畀學生聽中國司法唔獨立,一黨專制,冇民主;仲有,愛國唔係要愛黨」。他說:「我要示範畀其他學校睇,真正嘅國民教育係教啲乜嘢。」學校本周內會與教師、家長開會講解國教內容,以釋疑慮。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載