› 選擇地區
三藩市
紐約
洛杉磯
其他美國地區
香港 台灣 北美
 
2012年09月05日

粉碎洗腦陰謀 心痛絕食學生
陳日君:全民長期鬥爭

【本報訊】陳日君,全香港最沒資格勸人停止絕食的人,今年80歲,去年10月抗議校本條例終極敗訴,一個人在修院門外禁食三天,看着洗腦教育魔爪穿破校園,伸延到學子身上。孩子走投無路被迫絕食,他憤怒又心痛,「後生仔身體好脆弱,唔好冒險,傷害咗自己唔值得㗎」。他怒斥國民教育是政府陰謀,不能單靠學生抵抗,必須凝聚整個社會支持;他鼓勵社會人士不要灰心、不要放棄,做好長期鬥爭的準備。
記者:張嘉雯 潘栢林 王家文

相關新聞:一起跳制通宵留守「呢一鋪冇得退!」

中共控制思想的手段,自回歸後在香港施展,先是強推校本條例,削弱辦學團體的自主權,如今再推國民教育,進一步加強管治,「校本條例成立咗之後,等於廢咗辦學團體,以後行咩政策,視乎啲董事聽唔聽你話,辦學團體完全唔可以講嘢」。

「學生仲清醒過啲大人」

近日他讀到不少支持國民教育的文章,令他非常勞氣,「有啲文章都真係好片面,寫啲嘢似是而非,好牙擦咁寫嘢,啲讀咁多書嘅人都被人洗咗腦」。
他深信國民教育是中共的陰謀,「我哋就唔信你領導(委員會),你領導就係洗腦,都已經講穿咗㗎喇,又話要我哋試,我話:『唔好試!』,你根本就係有陰謀,我唔接受,我唔信你㗎啦,你已經露出馬腳,我哋要講穿佢」。
政府強推國民教育,陳日君形容手法一如當年推《基本法》23條,「好似嗰陣時我哋反對23條,我哋唔係反對23條喎,問題係點立法喎,但係你個草案要取消我哋一切自由,咁點可以接受呢?應該畀我哋充份嘅諮詢」。他認為,現時的公民教育科已經包含國民教育的元素,「要全面教育,要平衡去講,唔係咁倉卒要我哋試行」。
這次由學生領導的運動,讓陳日君看到希望,「家睇嚟呢啲學生仲好過啲大人,清醒過啲大人,所以我堅持校本條例要改,甚至校董會應該有學生加入,由學生選出嚟,因為佢仲會叻過校長、叻過大人,加入佢哋青年嘅聲音」。

相關新聞:fb群組促運用兩票 硬撼建制派鐵票公投反洗腦用選票說不

凝聚社會力量不要放棄

但看着學生、教師和家長輪流絕食,他非常難過,「好想勸佢哋唔好啦,後生仔身體好脆弱,唔好冒險,傷害咗自己唔值得㗎(咁你自己又絕?),我…我…我…我,第一我飲水啦,第二我有顧問、我有醫生睇住㗎嘛,同埋我咁嘅年紀,80歲㗎喇,後生嘅唔同吖嘛」。(記者其實不知道有何分別)「後生仔嘅仲有自己嘅人生,仲有咁耐,我哋就嚟收場㗎啦,有咩所謂呀」。
他鼓勵關心事件的學生、教師和家長凝聚社會力量,「繼續講落去,搵多啲人支持,繼續用和平嘅方法同政府硬落去囉,唔好灰心,可能要好長期嘅鬥爭啦,但係唔好放棄」。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載