蘋果日報 | APPLE DAILY
› 選擇地區
三藩市
紐約
洛杉磯
其他美國地區
2012年09月03日
馬上成為壹會員

倘今午5時不撤科
接力10人 絕食無限期

【本報訊】他們很餓,但吃不下。學民思潮三子絕食56小時,10人自告奮勇接力。有絕食大專生的母親憂心孩子捱餓,仍在背後支持;有年屆63歲的退休教師用微弱聲音喚醒全港教師,守住學生思想不被染紅。若政府今日5時仍不撤科,他們會無限期絕食,直至身體崩壞,直至梁振英宣告撤回國民教育科。
記者:王家文 嚴敏慧

相關新聞:到維園出席論壇被追擊安全受威脅警護送黃之鋒

陳德運前晚在集會上宣佈絕食。陳媽媽在電視機前憂心不已,給兒子一個電話,說了一句「好痛心」,兒子聽見後雙眼通紅,再說不下去,「個心好忐忑,明知堅持係正確,但會令親人心痛」。母親昨早專程買了個新枕頭和竹蓆給兒子,怕他捱飢抵餓,晚上睡不好。母親憂心,他也難受,但為公義,他不後悔。

痛心政府無視三子絕食

學民思潮三子絕食昨凌晨結束後,10人接力,城市大學三年級生陳德運是其中一人,「如果大專生都唔支持,我哋就自愧不如」。曾參與六四絕食,他坦言,絕食48小時後最難捱。
剛畢業的城大生熊婉婷說,母親起初反對她絕食,但被說服,還發短訊鼓勵,「要小心不舒服就要出聲,支持支持」。
年輕人主動接棒,退休教師也拚命支持。教協理事韓連山沒想到,年屆63歲也要絕食,因為很痛心,看見學民三子絕食,政府也無動於衷。家人擔心他捱壞身體,但仍支持,女兒還誇他是「超人」,「我年紀大,但希望用微弱聲音,喚醒全港教師。如果反洗腦呢場仗輸咗,整個香港教育就會失守,到時香港被中共染紅,我哋一定要企硬。」
接力絕食首天,前來政府總部打氣的市民絡繹不絕,一聲支持,一句保重,還送上一支鮮花,為絕食了20小時的10人補給能量。
首次絕食的國民教育家長關注組成員黃瑞紅,兩日來只吃了一件三文治,想起家中的兩歲兒子,忍不住流淚,「我哋出嚟係為下一代小朋友嘅教育,係為香港未來嘅棟樑」。
早前因外遊沒參與7.29遊行的李太,昨一家四口來支持絕食人士,反駁政府他們不是沉默的一群,更贊成罷課。社運人士葉寶琳表示,若政府今午5時仍不撤科,10人會無限期絕食。

相關新聞:齊齊龜縮 空凳靜待吳克儉、胡紅玉

絕食者感言

韓連山 63歲退休教師
「我年紀大,但希望用微弱聲音,喚醒全港教師。如果反洗腦呢場仗輸咗,整個香港教育就會失守,到時香港被中共染紅,我哋一定要企硬。」 韓連山 63歲退休教師 「我年紀大,但希望用微弱聲音,喚醒全港教師。如果反洗腦呢場仗輸咗,整個香港教育就會失守,到時香港被中共染紅,我哋一定要企硬。」 何芝君 理大社會科學系前副教授
「連番事件睇到政府係麻木不仁,我首次絕食,要話畀政府聽,唔好任意妄為,我哋係會堅持落去,不惜用身體去對抗。」 何芝君 理大社會科學系前副教授 「連番事件睇到政府係麻木不仁,我首次絕食,要話畀政府聽,唔好任意妄為,我哋係會堅持落去,不惜用身體去對抗。」 陳德運 城市大學三年級生
「絕食係比遊行、集會更令人難受,令你有一種忐忑感,明知堅持係正確,但會令親人心痛,我冇後悔,母親都支持。」 陳德運 城市大學三年級生 「絕食係比遊行、集會更令人難受,令你有一種忐忑感,明知堅持係正確,但會令親人心痛,我冇後悔,母親都支持。」
詹玟玟 註冊社工
「政府冇回應學民三子絕食,革命尚未成功,所以要企出嚟。」 詹玟玟 註冊社工 「政府冇回應學民三子絕食,革命尚未成功,所以要企出嚟。」 熊婉婷 城市大學畢業生
「我哋遊行、聯署,政府唔理,可以當唔出席嘅市民當贊成國民教育,我哋再冇任何辦法,最後惟有絕食,用我哋身體去作出反對。」 熊婉婷 城市大學畢業生 「我哋遊行、聯署,政府唔理,可以當唔出席嘅市民當贊成國民教育,我哋再冇任何辦法,最後惟有絕食,用我哋身體去作出反對。」 黃克廉 佛教何南金中學副校長兼教協副會長
「要對抗一個政府,真係無助無力,但見到市民參加,各界無私,先可以支撐住每一個人奮鬥落去。」 黃克廉 佛教何南金中學副校長兼教協副會長 「要對抗一個政府,真係無助無力,但見到市民參加,各界無私,先可以支撐住每一個人奮鬥落去。」
李成康 學聯秘書長
「我哋每分每秒絕食,代表國民教育一分一秒推行。我哋能做嘅選擇唔多,時間緊迫,罷課肯定可以衝擊梁振英政府嘅認受性。」 李成康 學聯秘書長 「我哋每分每秒絕食,代表國民教育一分一秒推行。我哋能做嘅選擇唔多,時間緊迫,罷課肯定可以衝擊梁振英政府嘅認受性。」 鄧永威 理工大學三年級生
「雖然屋企人未必認同絕食,但我希望用行動去顯示反對國民教育嘅決心,亦希望喚起更多民眾加入抗爭行列。」 鄧永威 理工大學三年級生 「雖然屋企人未必認同絕食,但我希望用行動去顯示反對國民教育嘅決心,亦希望喚起更多民眾加入抗爭行列。」 黃瑞紅 國民教育家長關注組
「我個仔只得兩歲,我遊行、絕食,第一次企到咁前,係為下一代小朋友嘅教育,係為香港未來嘅棟樑。」 黃瑞紅 國民教育家長關注組 「我個仔只得兩歲,我遊行、絕食,第一次企到咁前,係為下一代小朋友嘅教育,係為香港未來嘅棟樑。」
李澤民 大專行動召集人
「我唔知道可以絕食幾耐,但希望感召更多市民去聲援,如果梁振英仍硬推國民教育科,我哋會繼續絕食。」 李澤民 大專行動召集人 「我唔知道可以絕食幾耐,但希望感召更多市民去聲援,如果梁振英仍硬推國民教育科,我哋會繼續絕食。」
蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載