蘋果日報 | APPLE DAILY
› 選擇地區
三藩市
紐約
洛杉磯
其他美國地區
2012年08月24日
馬上成為壹會員

八方人物:翻版陳妍希由選美走到選舉

陳偉琪(Vicky),21歲,去年溫哥華華裔小姐亞軍,為出戰建築、測量及都市規劃界的民主黨成員吳永輝,擔任形象顧問。靚女曝光自然吸引眼球,民主黨的美人計果然奏效!這位被指翻版陳妍希的新女神,主修政治系,曾為溫哥華市長助選。現且聽美貌與智慧並重的九十後女神,分享她由選美到選舉的國際經驗!
「中三之後,一直喺溫哥華生活,今年六月大學畢業,我正式決定返嚟香港發展。幫吳永輝做形象顧問,係機緣巧合。我姑姐係民主黨前區議員陳麗君,佢幫過姑姐助選,我今次就幫佢執靚個形象,總算投桃報李。gel番個潮頭,揀番件型仔恤衫,希望佢睇落後生啲,吸納到多啲年輕人選票」。

曾被導師話粗魯

對於選舉,她絕不陌生,「喺溫哥華舉行嘅市長選舉,我都做過助選,幫忙聯繫當地嘅年輕人組織,落區開會等等。不過講到做形象顧問,今次就係第一次,佢哋搵我幫手,可能同我參加過選美有關吧」。大學最後一年,她膽粗粗選華姐「要學行貓步,個導師就直指我行得粗魯!仲要着泳衣上台行嚟行去,對自己少啲自信都唔得。好在,呢啲困難,最後都一一克服咗」。
學做淑女,令她有新體驗,「一個人嘅坐姿、衣着,都會影響到別人對你嘅觀感。參選,令我學識點樣面對傳媒、點樣自信咁表達自己。」返港後,她認為香港的政治氣氛「唔同晒」,「我好鍾意政治,但由細到大,我嘅志願其實係做律師。不過,無論政治抑或法律其實都同生活息息相關。選議員,佢入到議會,代我哋監察政府;法律呢?就保障我哋嘅權利。我希望利用我嘅專業知識,幫到有需要嘅人」。
記者 呂麗嬋

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載