› 選擇地區
三藩市
紐約
洛杉磯
其他美國地區
香港 台灣 北美
 
2012年08月24日

隔牆有耳--林依麗狂呼:梁美芬呃市民 - 李八方

林依麗打鼠有功,人氣急升。
互聯網

再次循九龍西參選嘅林依麗,08年表現麻麻,今年忽然間脫胎換骨,前日佢喺選舉論壇上諗到計發圍,之唔係聲討鼠王芬(梁美芬)囉。林依麗喺論壇踢爆鼠王芬漏報買樓利益,兼且大嗌「梁美芬呃市民」、「梁美芬呃市民」,連網民都激讚林依麗好波,覺得九西有多一個選擇。

鼠王芬去老廉投訴

話說回來,鼠王芬可以被玩嘅地方實在太多,各九西候選人都圍插佢,本應好難突圍,但林依麗成功殺出新血路。無論鼠王芬點樣擘大喉嚨,林依麗仍然聲壓鼠王芬,連續兩、三分鐘高呼「梁美芬呃市民、梁美芬欺騙市民、梁美芬炒高晒啲樓市,嗱!呢啲就係建制派,呃市民、呃市民、呃市民」,令出名夠煩嘅鼠王芬,都變得毫無還手能力。
鼠王芬貴為法律學者,俾人咁樣鬧法,顏面何存?所以呢,佢噚日再出招反擊,走咗去老廉總部投訴林依麗,話林依麗作出失實同不負責任指控,惡意中傷對手。
其實鼠王芬前日出過聲明話,林依麗指控嗰位「梁美芬」只係一位同佢同名同姓嘅人,相信呢位「梁美芬」過去四年嘅日子真係唔易過。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載