› 選擇地區
三藩市
紐約
洛杉磯
其他美國地區
香港 台灣 北美
 
2012年08月15日

無親無故
地盤改路整年沒外出

從高處看,謝婆婆所住的石屋三面被工地圍着,附近已沒有房屋。

謝婆婆一生坎坷,5歲出疹發燒,結果瞎了雙眼。年輕時結識跛腳的陳姓丈夫,對方卻原來早在內地結婚生仔。「算啦,我又生唔到仔,嗰次宮外孕差啲冇命」她對記者說。

相關新聞:婆婆一度慶幸不用遷離家園

「對老人家係一種欺凌」

謝婆婆跟丈夫於30年前才儲夠錢,買下上村一塊土地建屋,之後丈夫申請內地的孫兒來港定居,並在農地另起屋讓他們一家居住。「佢個孫帶埋老婆嚟,後嚟生咗三個女,嗰時好熱鬧,家死嘅死,搬走嘅搬走」。謝婆婆的丈夫10年前因病過世,其「孫」一家所住的屋被政府收了,獲分配上樓,現只剩下她一人「最掛住嗰三個曾孫,家搬到天水圍咁遠,好耐都唔探我一次」。
謝婆婆的胞兄和胞弟已相繼去世,大嫂住在上村附近,她亦慨嘆婆婆「好慘」,有時會去探望,但礙於地盤工程,電話經常打不通,希望政府能盡快安排她上樓。
附近村民大部份都認識謝婆婆,竹姐說:「收剩佢,政府都唔知咩意思,係咪見佢傷殘恰佢。」她指地盤將路改掉,婆婆已經整年沒有出來走過:「感覺好似住喺孤島,對老人家嚟講,係一種欺凌!」《蘋果》記者

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載