› 選擇地區
三藩市
紐約
洛杉磯
其他美國地區
香港 台灣 北美
 
2012年08月02日

隔牆有耳:柳俊江踢爆無綫河蟹史 - 李八方

CCTVB新聞部前小生柳俊江,早兩年不滿記者慘變「車衣女工」劈炮轉行。柳小生早前接受雜誌Timeout訪問,再次鬧CCTVB編輯方針有問題;仲踢爆兩年前報道廣東撐粵語運動嗰陣,竟然自我審查,有老細仲講明唔撐粵語,覺得普通話先至係中國官方語言。吓,咁又唔見你CCTVB用晒普通話報新聞?

曾醒明:唔關管理層事

呢件事發生喺兩年前,廣州撐粵語運動醞釀緊嗰陣,柳爺已覺得件事有潛力變成大新聞,向老細力爭做隻專題古仔。殊不知有老細同佢講要放棄隻古仔,因為普通話係官方語言,冇乜理由要撐廣東話喎。結果兩星期後,廣州真係有連串示威爆發,香港媒體先搵人上去報道。柳俊江就感嘆,香港傳媒自我審查好嚴重,媒體用個人價值觀判斷新聞,根本冇諗過件事有冇新聞價值。
無綫外事部副總監曾醒明回應話,無綫立足香港一定唔會倒自己米,力撐粵語。不過新聞部編輯自主,新聞古仔出唔出到街,把關嘅都係新聞部主管,唔關管理層事喎。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載