› 選擇地區
三藩市
紐約
洛杉磯
其他美國地區
香港 台灣 北美
 
2012年07月24日

隔牆有耳:李慧琼拉票變「拉客」 - 李八方

最近有市民路過一座唐樓,都忍唔住要駐足觀看。睇真啲,原來佢哋睇緊一啲「一樓一」嘅價目,但最吸引佢哋嘅,卻係價目表隔籬嘅「玉照」:嘩,呢個咪係要選超級區議員嘅民建聯李慧琼?乜佢偷偷轉行,加入《金雞》行列咩?
八方唔係亂噏㗎。最近網上瘋傳一張相,係一座唐樓樓下嘅兩幅海報。一幅大大隻字寫住「歡迎光臨」、「本地妹250」、「中國佳麗250」、「馬拉、泰妹220」,相信唔使八方多講,大家都知賣緊乜嘢。擺正喺隔籬嗰幅,卻係李慧琼嘅個人海報,李慧琼仲嘴角微笑中,難怪惹人誤會。

「『一樓一』都係選民」

有心邪網友稱呼李慧琼為「中國佳麗」,另有網民就笑佢同人「爭生意」,又大呼「重口味」;有比較關注性工作者權益嘅網友就話「一樓一」都係選民啫,可能佢想向佢哋拉票喎。
忽然變成政界《金雞》,李慧琼係咪得罪人,俾人大整蠱呀?當事人好睇得開喎,話自己雖然冇睇過張相,但已經有同事報告咗嘞,一啲都唔介意。佢相信負責貼海報嘅同事,唔係有心貼正喺啲「價目表」隔籬,可能係張貼時間先後惹的禍。被惡搞嘅佢為網友「辯護」,話佢哋講嘢有時係「搞笑啲」,會以平常心面對。打完風之後,就會搵返嗰張相嘅位置,搣走張海報㗎喇。
mailto:pf_lee@appledaily.com

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載