› 選擇地區
三藩市
紐約
洛杉磯
其他美國地區
香港 台灣 北美
 
2012年07月13日

記者直擊
港裝修佬也做出租男

Gary自稱接客四次,見面時亦先收錢,最後被質問時才說自己吹水。

近月這股「出租男友」風氣也悄悄殺入香港,高登討論區有幾則出租男朋友廣告,說自己要金錢周轉,也有人說想讓「毒女」感受拍拖喜悅,但都沒有刊登照片,服務似乎不及大陸出租男專業。
28歲的Gary自稱是出租男,每小時收費200元,講明只能拖手、攬腰,但不會提供性服務。這名肥頭耷耳的四眼仔,一見記者就嬉皮笑臉說:「老細,今日消費都由你負責喎。」跟他去美食廣場,他先要記者給他200元,才扮紳士風度去買食物。
Gary聲稱做過四次出租男友,「有次見家長,上咗佢屋企食飯,又試過去應酬個女人啲朋友,同佢落吧飲嘢」。
記者質疑他其貌不揚,怎麼會如此受歡迎,他滿臉油光答:「就係因為唔靚仔先似,唔係人人都有個靚仔男友。」
他聲稱自己做船務文員,但記者發現他上班時間坐小巴去了山頂司徒拔道的太古新樓盤,過了兩個鐘後抬數台階磚出來,原來他是一名裝修佬!
記者表明身份後他即用報紙遮面,口震震辯解:「我其實冇做過出租男友,今次第一次,咁有人畀錢你陪食飯唔通唔賺咩,最多畀番300蚊你!」

相關新聞:貨不對辦醜男扮靚仔呃飲呃食

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載