› 選擇地區
三藩市
紐約
洛杉磯
其他美國地區
香港 台灣 北美
 
2012年07月13日

隔牆有耳:狼英力捧「高登」 - 李八方

狼振英(右二)及林鄭(左)苦笑接過大會送上「登高望遠」牌匾,係呀,唔係「遠望高登」呀!同日麥齊光仲被拉下馬,認真夭心夭肺。
羅君豪攝

麥齊光成功打破特區問責官員任期最短嘅紀錄,上任12天就衰咗。噚日黃昏,廣東社團總會搞嘅慶回歸酒會,撞啱有大批高官出席,現場一片愁雲慘霧,變咗個官場追思會。
出席嘅現任政府官員個個保持緘默,當中以特區第一、二把手狼振英同林鄭月娥塊面最黑。除咗同主人家寒暄時嘴角仲識微微上揚,其他時間全程唧都唔笑。曾德成、黎棟國、高永文同禿鷹曾偉雄等人上台時都係木無表情。

相關新聞:隔牆有耳:赤柱跑馬仔 老麥超前隨時爆冷

酒會開幕,振英哥同林鄭要做代表接收大會送嘅牌匾,噢,仲以為新班子真係唔收紀念品㖭!牌匾寫住「登高望遠」,高登仔唔好讀錯做「遠望高登」呀!
祝酒時,CY一飲而盡,酒入愁腸唔係咁好喎。振英哥之前懶係嘢,話為環保問責班子唔戴襟花,但現場所見,林鄭、禿鷹、楊立門、都有戴襟花囉。係得張志剛陪振英哥拒戴襟花,邊個係真兄弟,一睇就知啦!

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載