› 選擇地區
三藩市
紐約
洛杉磯
其他美國地區
香港 台灣 北美
 
2012年07月13日

隔牆有耳:赤柱跑馬仔 老麥超前隨時爆冷 - 李八方

政治如賭博,四個月前特首跑馬仔先至落幕,勢估唔到政壇真係咁峯迴路轉,條賽道話咁快就由上亞厘畢道移師赤柱。一出閘,唐營馬房嘅政務司前司長「肥龍」許仕仁快放一段,因為新地單大嘢俾ICAC嗒咗,遙遙領先,今日好可能落charge衝線。
肥龍本來形勢大好,點知呢,中段殺出兩隻勁敵Cheap曾同大話英,前者俾人去老廉舉報佢接受富豪款待同租靚屋;後者俾人話佢選舉時作失實聲明,要雪糕佬開file,叮噹馬頭。到轉彎入直路時,又殺出隻黑馬麥齊光喎,佢以毫無懸念嘅涉呃租津證據,反超前所有熱門馬,噚日俾ICAC拘捕。

相關新聞:隔牆有耳:狼英力捧「高登」

狼英入冊難度高

上呀、上呀!究竟邊個最快會確定被控呢?律師黃國桐分析過,覺得麥齊光「跑出」機會最大,肥龍排第二,Cheap曾同大話英大墮後。廉署執行處前副處長徐家傑都覺得麥齊光嘅證據最足。
黃國桐話,麥齊光涉嫌犯罪嘅證據,多數係一啲文件,易搵又易查,好短時間就可以入罪。估計肥龍嘅物證唔多。Cheap曾單嘢,要證明到佢坐私人飛機係有利益輸送,其實好複雜。大話英單嘢就難度最高,皆因佢話選舉時佢冇講過自己冇僭建,好難構成「失實陳述」,要檢控真係「好遙遠」咁話!有政界中人補充,廉政專員係大話英委任噃,點睇先?

mailto:pf_lee@appledaily.com

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載