› 選擇地區
三藩市
紐約
洛杉磯
其他美國地區
香港 台灣 北美
 
2012年07月11日

沙膽虹手記:做得主管就要敢於下決定 - 沙膽虹

沙膽虹之前寫肥佬黎同高層訓話:「我請你返嚟做主管,就係叫你孭鑊。做主管唔孭鑊,仲有乜用?」有同事問沙膽虹,肥佬黎咁講究竟是甚麼意思?其實好簡單,肥佬黎意思係做主管要敢於做決定。唔做決定就唔會錯,唔會錯又點會有鑊孭?做主管唔敢做決定,不單事情拖着無法解決,同事亦因要等指示無法工作,公司因而浪費時間兼導致效率降低。做了決定,即使錯了,也是一個訊息,令我們可以進步,可以前行,總比拖着停滯不前好得多。
一理通,百理明,其實不單當主管要孭鑊,就算當記者、編輯、攝影、剪片等等,又何嘗不是如此?前線記者因時制宜執生提問,才會有林俊謙高聲譴責新聞官封殺《蘋果》記者提問機會、才會有韓耀庭十米外問胡錦濤是否聽到香港人希望平反六四,難道他們要先打電話問主管嗎?即使闖了禍,他們要孭,做主管的更要孭。
當編輯的亦然,這個版面交了給你,你就own了這個版面,就有責任編好個版。那張相做大、那些相可以犧牲、那些稿要刪,都要敢於做決定。千萬別以為你把記者攝影給你的文和相全部落齊就包冇錯。若是如此,這版面肯定不會好睇。正如肥佬黎話齋,moreisless。敢於決定,有疑問請教主管,翌日鋤報會虛心聽意見,有鑊主管會同你齊齊孭,然後想辦法改進。這才是生路。

沙膽虹

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載