› 選擇地區
三藩市
紐約
洛杉磯
其他美國地區
香港 台灣 北美
 
2012年07月11日

八方人物:26歲月入20萬
街舞王跳入紅館

只有中三學歷的他,收入比很多大學畢業生還要高。憑出色舞技,由尖沙嘴文化中心外,跳到紅館,更於世界性的比賽獲獎。身兼舞者和舞蹈學校老闆的陳永康(Hongboy),幸運地寓興趣於工作,年僅26歲的他月入逾20萬元。
Hongboy獲YMCA和德福廣場邀請,以自己的經歷鼓勵放榜考生,「學歷唔係一切,反而要知道自己最鍾意乜,就一直堅持,總會捱出成績」。跳舞11年的他,終在舞壇上跳出名氣,成為很多天王天后演唱會指定的舞者。
Hongboy說,中三那年決定不再升學並不是一時衝動,「人得一生,既然讀書唔係我鍾意嘅嘢,人人嘅方向唔同,我選擇做自己更成功嘅嘢」。

電影改編血淚史

結束學業後,他曾任餐廳侍應和活動助理,每天工作8至10小時,仍堅持用3小時練舞。他的決定初時未被家人接受,不時會「比說話佢聽」,常到文化中心外跳舞的他,曾有路人向他拋下零錢,諷刺他像街頭賣藝,他說:「幾難聽嘅說話都唔會理,因為知道目標只有一個。」
電影《給他們一個機會》是改編自Hongboy和同伴們的血淚史,講述一班寂寂無聞的跳舞街童得到明星劉德華賞識,而踏上紅館舞台。當時10多位同伴,只剩幾位活躍於跳舞界,「很多人為咗生活而放棄理想,既然我堅持咗咁耐,更加唔可以放棄」。
曾踏足世界舞台的Hongboy認為香港人跳舞比較「懶惰」,不願花時間磨練,開設跳舞學校希望教會更多人堅持,「我同朋友跳舞嘅夢想係想世界好多人識我哋,唔想人哋覺得香港好差,都唔想俾人睇小我哋嘅地方」。記者 李詠珊

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載