› 選擇地區
三藩市
紐約
洛杉磯
其他美國地區
香港 台灣 北美
 
2012年07月11日

隔牆有耳:出選捷徑 學袁彌明爆緋聞 - 李八方

明星搞緋聞谷人氣司空見慣,估唔到政圈都work。極可能循新界東出選嘅人民力量「慢必」陳志全同埋袁彌明,最近落重本賣的士廣告,鬼叫人力喺7.1籌到成百萬咩!除咗賣廣告,港姐出身嘅袁彌明,繼早排傳搭上人力主席劉嘉鴻後,最近又傳同慢必拍拖喎。
八方唔知呢啲煲水新聞對谷人氣、爭選票有冇用,但當事人就一笑置之。袁彌明更自爆,有次去電視台錄影,撞到公民黨余若薇,連余若薇都問佢:係咪準備同慢必結婚呀?人力最近仲忽發奇想,有意力邀蕭若元太座侯麗媚參選,事關蕭太係上水鄉委會主席侯志強嘅疏堂堂妹,希望蕭太可以幫手吸啲鄉事票喎。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載