› 選擇地區
三藩市
紐約
洛杉磯
其他美國地區
香港 台灣 北美
 
2012年07月11日

女子脫面毛變燒眉

【記者盧勁業報道】美容變毀容!有女士接受激光脫毛療程,慘被「火燒眼眉」,眼眉毛囊受損暫未知能否再生,向美容公司索償被拒,欲哭無淚。
20多歲的鄧小姐5月中光顧瑪莎醫學美容旺角分店,購買了共10次、價值10,000元的激光脫面毛療程,支付1,500元訂金後即接受一次附送的免費療程:「美容師拎塊棉花放喺我雙眼上面,之後就拎起支激光筆喺度射」。
她回家照鏡才發現右邊半條眉毛被燒焦:「好肉酸,之後燒焦咗嘅眉毛仲甩埋,要用頭髮遮住先敢見人,第二日即刻上美容公司理論,職員自己都話『死嘞,唔係噚日射過咗龍呀嘛』,跟住又改口話我條眉一直都係咁,真係好嬲」。

兩月後仍長不出毛髮

幾經理論,職員要求鄧小姐提交醫生文件。她到公立診所求診,醫生確認眉毛在接受激光治療時因疏忽導致缺失,一個月內不能重新生長。她將醫生信交瑪莎後沒回音,事發至今近兩個月,燒焦位置仍未長出毛髮。
香港美容業總會創會主席葉世雄表示,激光脫毛的原理,是將在生長期中的毛髮連毛囊摧毀,「毛髮嘅生長時期各有不同,所以通常要分幾次射,先可以完全將一個位置嘅毛囊摧毀」。葉估計事件屬職員大意,「射中眉毛嗰一吓應該有味,美容師就應該停手,唔會同一個位再射幾次,如果真係生唔番,消費者可以民事索償」。
皮膚科醫生史泰祖表示,人的眉毛通常三至四星期可重生。激光脫毛作用是破壞人體毛囊,令毛髮不再生長,通常要照射三至四次才能完全破壞毛囊:「如果射一次,可能會令一少部份毛囊損毀,係會疏落咗,可能兩、三個月先至生得番。」
瑪莎醫學美容稱,已聯絡鄧小姐,商討解決方案,須待正在外地公幹的老闆回港後才有決定。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載