蘋果日報 | APPLE DAILY
› 選擇地區
三藩市
紐約
洛杉磯
其他美國地區
2012年07月05日
馬上成為壹會員

《蘋果》記者直擊 傳銷美男計交友網釣盛女
約食飯扮投契 上私竇碌卡

【本報訊】上網識朋友,小心誤中「傳銷局」!有傳銷公司窺準香港「盛女」愛在交友網結識異性,竟派出六呎壯男混入「meetu友緣人」做餌,極速「媾女」再女方碌卡買傳銷產品。《蘋果》女記者進入交友網,直擊傳銷男如何扮成港女救世主般,將媾女變生意。記者:關震海、蕭逸居、黃江奇

相關新聞:踢爆身世自稱過氣富家子 實質大話王

「我當佢朋友,冇諗過佢存心呃我!」29歲做秘書的Dora,去年12月在meetu友緣人認識了26歲的Andres,對方在電話內噓寒問暖,並提出單獨約會。「最初好似朋友咁食吓飯,但到第五次,佢問我想唔想賺多啲錢。」Dora表示Andres得知她愛做facial後,游說她在一個網站開戶口買美容療程,介紹朋友更可分佣,最後Dora在網上開戶,買了3,000元脫唇毛服務。

一坐低讚「香水好香」

一周後,Andres以慶祝生日為名,約Dora到尖沙嘴赫德道一幢商業大廈內的「私竇」。「裏面好似一間酒吧,坐咗一枱枱人,Andres同另外一對男女不斷向我推銷,話只要買5萬蚊嘢就可以做代理賺大錢。」其間不斷傳閱會員獲發大額支票的相片,又稱月賺10萬元很容易。三人由晚上9時至凌晨1時,不斷疲勞轟炸,Dora吃不消下碌卡買了4.8萬元的美容產品,成為傳銷下線。
記者在meetu友緣人開戶口,未上載「大頭照」,在meetu屬VIP的Andres已急不及待留言「Hi~mind做個friendma??(嗨!介意做朋友嗎?)」,並留下手機號碼,約記者到銅鑼灣吃飯。
約會當日,六呎高的他甫見面便俯身靠近記者的肩膀說:「你啲香水好香!」記者坐下後點了杯Latte,Andres便使出一招「投其所好」,表示正跟咖啡師傅學「打泡」,還在手機展示多張疑似網上下載的咖啡照。記者不禁問:「點解個杯咁茶餐廳?」他卻死撐:「意大利餐廳啲Latte係咁㗎!」

相關新聞:毫無保障硬銷療程保健品 醫學界冇認可

打孝順牌勸幫補家計

相見不足一小時,Andres就打「孝順牌」:「我覺得你好nice(親切),所以我會同你講,其實我事業心咁重,都係想幫我老竇爭口氣。」他眉頭一皺,「我老竇以前做電子零件,屋企住窩打老道,有兩張枱咁大嘅噴水池同魚缸……唉!家道中落,97年賣晒所有嘢,老竇家都係揸巴士……」
之後他更踩低港男,「香港男女比例七比三,當中好多係宅男,一個月得萬幾蚊,自己都唔夠使,點養你?」然後順勢轉入正題,「我哋幫醫生做市場推廣,推銷美容療程同產品」。他拿出手提電腦,表示在網上開設「i-SHOP」,購買和推銷「香港醫學抗衰老中心」、「香港危疾預防中心」和「I-FORMULA」的產品和療程,可以分佣,「藝人森美同楊思琦都成日幫襯!」
見記者不為所動,三小時後,他開始發功︰「你家有冇(信用)卡,邊張?恒生?我家搞埋手續。」記者要求到店內視察,他說:「你信我!想唔想媽媽多8,000蚊家用提早退休?」記者最後堅決離去。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載