› 選擇地區
三藩市
紐約
洛杉磯
其他美國地區
香港 台灣 北美
 
2012年06月29日

隔牆有耳:大話英遇上大話王 - 李八方

網民惡搞,將大話英推上日本《產經新聞》號外,諷刺佢係袁木二號。
互聯網

如果大家早幾日問八方,邊個係最厚顏嘅大話王呀?八方毫不猶豫會答袁木,事關呢位前國務院發言人,竟然膽敢喺89年中共血腥屠城後,掰大眼話天安門廣場上冇死過一個人,侮辱當年為死難學生流淚嘅港人。

網民惡搞 嘲袁木二號

估唔到,平反六四精神喺23年嚟薪火相傳之時,連袁木嘅「大話王」本色都後繼有人。狼振英近日喺僭建問題上大話冚大話,就算有圖有真相,都仲唔肯認僭建花架,當全香港人係儍瓜,仲要唔眨眼又唔面紅,果然係極品!
有網民將舊年日本《產經新聞》標題為「江澤民先生死去」嘅號外改圖,放咗狼振英個樣上去,標題係「袁木二號」,相信講出唔少港人心聲。其實,狼振英講大話唔係冇前科,講過N次N屆唔選特首,最終又要同唐唐爭;明明有份搞八萬五,點知又卸責話係前港督肥彭同房屋局前局長黃星華嘅建議,唔係佢主意。
雖然大話史一籮籮,但八方相信,佢噚日喺新班子記者會上,話有五個而唔係實際嘅七個局有新局長上場,只係搞錯而唔係刻意講大話,但就奇怪新聞處事後點解要幫佢「竄改歷史」,唔通係驚佢個「底」太花,擔心連呢件小事都會被人誤會?

mailto:pf_lee@appledaily.com

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載