› 選擇地區
三藩市
紐約
洛杉磯
其他美國地區
香港 台灣 北美
 
2012年06月26日

隔牆有耳:禮義廉變臉 插爆大話英 - 李八方

李慧琼(左)同劉江華(右)當日撐梁振英(中),噚日就反面狂插。
易仰民攝

政治世界係好現實,一沉百踩。人稱「禮義廉」嘅民建聯,噚日邀請咗僭建候任特首大話英去真情對話。兩位盛傳會出戰超級議席嘅劉江華同李慧琼,當日曾高舉挺梁旗幟,噚日極速變臉鬧爆大話英。
劉江華同李慧琼噚日好唔客氣,當面狠批大話英令人失望;甚至話佢當日狠批唐唐嘅僭建有誠信問題,如今放生自己就係雙重標準。嘩!好正義呀!
禮義廉黨員周世平仲狼,狠批大話英上任至今,講多過做:「你嗌口號,多過做實事,起碼你喺團結建制派上,冇做過工夫!我睇唔到你做過啲乜嘢,去團結一班同你意見唔同嘅人!你淨係嗌口號,唔去團結,你想點先!」
大話英聽到禮義廉嘅連串訓斥,真係聽在耳裏,恨在心裏;大話英一向冇乜朋友,如果連禮義廉都反骨,佢就真係絕對冇晒朋友㗎啦,惟有頭耷耷話自己有改善嘅空間。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載