蘋果日報 | APPLE DAILY
› 選擇地區
三藩市
紐約
洛杉磯
其他美國地區
2012年06月23日

痛恨霸權
回流移民:唔信50年不變

你自覺是香港人,還是中國人?從加拿大回流的陳浩華(圖)答得乾脆:「第一係香港人,其次係加拿大人。」他直言愛國出於感情,並非責任,「中國?Sorry囉,諗唔到有咩好嘅地方值得我鍾意。」
過去15年,香港失去高度自治的速度遠超陳浩華想像,眼見西環肆無忌憚插手港事,他與身邊朋友的恐共情緒不斷膨脹,「今時今日,慶幸我仲有本加拿大護照。」他從事資訊科技工作,移民加拿大後回流發展,曾同時持有特區、加拿大及BNO護照,「殖民地時代尚算繁榮,但英國佬始終有特權,香港人次一等。」他並非示威常客,六四、7.1偶爾上街。08年他訂製西藏雪山獅子旗,在奧運馬術賽展示,導致他被澳門拒入境。

相關新聞:朱凱迪:做一個挑機中國人

一國兩制名存實亡

為藏人發聲,只基於人道立場,「如果有其他人做,我唔會做;共產黨幾十年來冇變,我咁做係落佢面,話佢知中國唔係大晒。」中國人與港人雖屬同一種族,但陳浩華認為兩者差天共地,「文化同思維完全唔同,過咗羅湖就係另一個世界,你會驚打劫、食到假嘢。」他痛恨的是中共霸權,「大家文化有分別冇所謂,但唔應該用自己嗰套取代,可惜大陸就係咁霸道。」
97後,陳浩華一眾60後感覺生活一切如常,只是「換了支旗」。直至曾蔭權上場,他才驚覺一國兩制名存實亡,「一路都唔信50年不變,只係冇諗過變得咁快。」他深知香港不可能獨立,但至少應守住港人身份,拒絕被中共同化,「我相信如果全港所有人企硬,同政府不合作,個政府即刻會倒台,唔使放炸彈。」
《蘋果》記者

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載