蘋果日報 | APPLE DAILY
› 選擇地區
三藩市
紐約
洛杉磯
其他美國地區
2012年06月19日

CENTRO被投訴安裝不當
巨櫃倒塌砸爆老婦頭

13,790

【本報訊】一個貼牆的巨型組合櫃,疑因安裝不當,上周六突然塌下,壓着七旬婆婆,頭部血流如注,幸其女兒一家四口在場,合力把她救出,送院後縫了三針,至今仍虛弱得難以動彈;其女兒痛斥裝修公司草菅人命,「如果我阿媽有乜三長兩短郁唔到,佢賠錢都冇用!」 記者:盧勁業

肇事的元朗洪水橋住宅單位,陳氏三姊妹向記者展示仍未清理的現場。一個逾12呎長、7呎5吋高的組合櫃倒卧200多呎客廳中,酒樽、玻璃碎散滿一地,有紅酒迹,也有鮮血迹,多件家具砸爛;牆上只有兩個螺絲洞。
這單位由大姊和母親同住,三妹合資裝修。去年11月,三妹在沙田的 CENTRO分店,「見佢哋傢俬櫃啲用料好似幾靚幾實淨,就入去幫襯;全屋裝修價錢15萬幾,唔算太貴」。

「頭頂流咗勁多血」

本年初裝修完畢,至今才四個多月。上周六,二姊一家四口到母親家吃飯,二姊說:「我兩個仔坐喺梳化睇電視,我阿媽將個牙籤筒放番喺個櫃度……我老公見到個櫃搖搖吓,以為眼花,點知一兩秒個櫃就成個冧咗落嚟!我阿媽成個人壓咗喺下面,頭頂撼穿流咗勁多血。我一對仔就喺度尖叫。」
大櫃載着電視機、魚缸和酒等雜物,「個櫃我哋咁多個人幫手先搬得郁,櫃入面啲玻璃打碎咗,玻璃粉周圍都係,我哋搬到成手血!」二姊猶有餘悸,並嗚咽地說:「如果我阿媽有乜三長兩短郁唔到,佢賠錢都冇用!」

只用兩粒螺絲釘固定

陳老太入院,頭頂縫了三針,現仍十分虛弱。當值警察向她們表示只能循民事訴訟追討。
「點解咁大個幾百斤重嘅櫃淨係上得兩粒螺絲?」三妹說。「救護員上到嚟都話『咁裝法個櫃遲早會冧』。」香港驗樓及結構診斷有限公司技術總監賴達明,看過相片及設計圖後表示,組合櫃的設計已有問題:「個櫃腳位本身已經細咗,個櫃變咗頭重腳輕,你唔放嘢上去佢都應該會前後搖搖吓,放咗嘢上去更加加速佢倒塌。」
CENTRO發言人何先生昨日向本報說:「個櫃闊150吋,單從照片睇,個櫃本身坐地,似係有人好大力喺前面拉扯個櫃,個櫃先至會成個冧落黎。」其後該公司才派人到陳老太單位視察,再商討賠償。

蘋果日報fb,每日分享精選新聞及網絡新鮮事。
返回最頂
香港 台灣 私隱聲明 服務條款 刊登廣告 聯絡我們 招聘 訂閱版: 飲食男女|    Ketchup|    壹週刊
© 2017 AD Internet Limited. All rights reserved. 版權所有 不得轉載