› 選擇地區
三藩市
紐約
洛杉磯
其他美國地區
香港 台灣 北美
 
2012年06月18日

沙膽虹手記:有功有勞才可以留低 - 沙膽虹

肥佬黎上周在香港開《爽報》例會時,特別叫埋《蘋果》副老總和部門主管入去訓話。肥佬黎話,家梁振英政府上場,香港啲報紙幾乎都跪低,剩低我哋!所以我哋新聞一定要有力。如果連我哋企喺度嘅都冇力,企得唔穩、企得冇效率,香港就大鑊。
肥佬黎話,《蘋果》一定要改革。佢話《蘋果》嘅新聞有時都唔夠力,睇到有啲新聞都係搬字過紙。畢竟《蘋果》都做了咁多年,很多人做耐咗,開始因循、有惰性,覺得自己做咗咁多年,冇功都有勞。「但我今日就話畀佢哋知,有功有勞才可以留低,冇功有勞要繼續喺度享福嘅,唔該返屋企享福。就算佢哋話我冇人情味,都冇辦法」。肥佬黎越說越有火。
《蘋果》要改革,就要夠膽用人才。除了在外面搵好人才之外,亦要夠膽在內部提升後生嘅做主管,最多做得唔好先叫番佢做原來位置。「做主管一定要有承擔,一定要肯孭鑊,我搵你哋做主管就係要你哋孭鑊。如果做主管乜都唔孭,做得唔好又賴下面,又乜都唔敢決定,我要呢啲主管嚟做乜?」
對於公司內部嘅是是非非,肥佬黎仲講得妙,明天再續。
沙膽虹

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載