› 選擇地區
三藩市
紐約
洛杉磯
其他美國地區
香港 台灣 北美
 
2012年06月18日

隔牆有耳:梁振英有好嘢唔識食 - 李八方

狼振英噚日去咗社區組織協會嘅地頭深水埗酒樓做騷,與基層爸爸對話,狼英姿態十足,但回應空泛,有市民批評佢迴避問題。社協為咗歡迎狼英,特登搞個貧窮餐,筵開六席,等佢見識吓深水埗openrice,點知隻狼對人哋嘅食物睇唔上眼,睇佢齋飲唔食,結果錯過咗唔少遠近馳名嘅美食!

唔吼深水埗美食

社協幹事施麗珊一開場就話,特登張羅深水埗嘅街頭小食,等狼振英可以邊聽邊食。枱上美食包括百年歷史嘅公和豆漿。仲有40多年歷史嘅坤記糕點,包括每件五蚊嘅白糖糕、七蚊件芝麻糕。坤記由小販起家做到開舖,唔少基層平時都嫌貴,唔捨得買嚟食。枱上仲有生隆餅家嘅缽仔糕,openrice食家一致讚好,五蚊四件,堪稱全港最抵食。當然仲有現場利星酒家嘅燒鵝,施姑娘話,利星燒鵝好鬼正,狼英唔食真係嘥晒。
現場所見,狼英只係狂飲公和豆漿,筷子冇咩郁過,可能佢對貧窮餐冇興趣,鍾意過海食番高檔餐啩!狼英全程自吹自擂,話將於未來兩星期宣佈成立扶貧委員會籌備工作小組,又話研究緊如何縮短興建公屋嘅時間。振英哥齋吹唔食,獲邀出席嘅近百位基層市民食到舔舔脷,睬佢都嘥氣!

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載