› 選擇地區
三藩市
紐約
洛杉磯
其他美國地區
香港 台灣 北美
 
2012年06月14日

隔牆有耳:立法會捐血日 虧佬現形 - 李八方

近排立法會內外烽煙四起,搞到議員五勞七傷,虧佬即時現形。噚日係立法會捐血日,一心想捐血嘅議員唔少,工黨李卓人見姑娘時,確診多個感冒病徵,即時被foul,阿人相信因為近排要搞六四燭光集會,之後又要為李旺陽申寃,工作排山倒海捱出病來,惟有靠黨友張國柱「替補」頂上。

涂謹申血液唔「靚仔」

唔單止阿人,民主黨涂謹申都肥佬。姑娘話阿涂唔夠鐵質,唔適合捐血,即時要離場嘅阿涂話日後要多食紅肉同水果補充鐵質。點解搞成咁㗎?阿涂話啲血唔夠「靚仔」,可能因為立法會近排成日開會,搞到個人孱晒,強調一定唔關寶貝仔事。
泛民兩鐵漢冇得捐,以往有捐血嘅民建聯黃定光今次都冇喺新立法會大樓獻第一滴血。佢話由於身體有90幾樣嘢唔妥,唔夠膽再捐,留番啲血畀自己好過。綜合噚日所見,直選議員血氣方剛好多,民主黨李永達、公民黨陳淑莊、工聯會王國興同旅遊界謝偉俊都有捐血。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載