› 選擇地區
三藩市
紐約
洛杉磯
其他美國地區
香港 台灣 北美
 
2012年06月11日

隔牆有耳:《南早》李旺陽死訊 偷偷「被縮細」 - 李八方

較早印刷的《南早》訂戶版,李旺陽的報道篇幅大得多。

李旺陽「被自殺」消息一出,全城震怒,好多報紙都以顯著篇幅報道,證明事件幾咁受關注,但6月7日嘅《南華早報》,有關李旺陽嘅新聞竟然離奇「被縮細」。
話說《南華早報》當日發畀學校同酒店等嘅訂戶版,李旺陽新聞喺A8中國版內約佔六分一版面,呢個版面,本來經已排到好後,做得好細啦。
咁仲未夠,其後先至印刷嘅零售版本,竟然將呢段新聞濃縮成100字嘅簡訊,置於A6唔顯眼嘅左上角。由於零售版印刷時間比訂戶版本約遲兩個鐘,班高層唔係以為漏夜做手腳會無人知啩?
八方聽聞,《南早》係喺深夜突然決定縮稿,係政協老總王向偉嘅主義。可惜身為吉林省政協嘅《南早》總編輯王向偉無覆本報電話講清「真相」。

CCTVB同樣揞住良心

記協主席麥燕庭就話事件不尋常,覺得《南早》要解釋點解有此變動。高層河蟹,唔少《南早》記者都好不滿,眾怒難犯,到咗上周五,份報紙終於做返大呢單新聞,但當日頭條仲係CY囉。
查實CCTVB咪一樣,事發最初兩日都喺六點半新聞尾段先報道呢件事,擺明揞住良心幫中央降溫啦,直到噚日2.5萬人上街,終於做番頭條。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載