› 選擇地區
三藩市
紐約
洛杉磯
其他美國地區
香港 台灣 北美
 
2012年06月10日

歐國盃熱潮
細莊巨額折扣誘人賭枱底

【本報訊】歐國盃揭幕,勾起港人睇波以至賭波的癮頭。《蘋果》記者調查發現,近年不少賭徒重投非法外圍集團懷抱,背後與大部份「細莊」仿效澳門賭廳經營方式,以巨額折扣利誘客人「賭枱底」有關。本地戒賭中心指有關趨勢促使賭徒「瞓身」投注,情況令人憂慮。
前日深夜,觀塘apm商場正直播歐國盃揭幕戰。專替外圍集團招攬賭徒、俗稱「艇仔」的阿田(化名),混雜過百名現場球迷中收波纜。他說:「家撈外圍全部用電腦或手機搞掂,減少被捕風險。始終外圍賠率高過馬會,又唔使即時找數,加上近年『賭枱底』盛行,外圍氣氛生猛番晒!」

相關新聞:特稿摯友輸到跳樓 賭仔驚醒戒賭

瞞過賭場與客私賭

賭枱底常見於澳門賭廳,廳主瞞過賭場與客人私下對賭,金額為枱面投注額雙倍甚至更多,以逃避分享盈利給賭場和繳稅。近年有人將賭枱底引入外圍賭波,既毋須承擔設立和維持波網的沉重成本,卻利用該平台賺到盡。
「細莊事前可以同賭客協議,投注1萬等於投注5萬。若細莊贏出,佢只要按網上紀錄,照行規分兩成畀波網,實質自己穩袋4萬幾元。相反若果輸波,細莊要負擔大部份虧損,財力唔夠厚好易爆煲」。
為利誘客人賭枱底,細莊將波網給予客人折扣優惠,由公價0.75%(下注100萬元,回贈7,500元)增至逾1.5%;有細莊甚至推出八折找數,「多咗呢啲突破性優惠,賭仔都勇於落注。所以今屆歐國盃,外圍點會唔發達!」
兩年前南非世界盃決賽周,馬會總共收到30億至40億港元投注額。雖然歐國盃的號召力稍遜世界盃,但據業內人士推算,香港外圍投注仍可超越百億,跑贏馬會。東華三院平和坊副主任楊枬英,對於「賭枱底」風潮深感憂慮。「擔心好容易令賭徒傾家蕩產、難以翻身」。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2020 AD Internet Limited. All rights reserved. 版權所有 不得轉載