› 選擇地區
三藩市
紐約
洛杉磯
其他美國地區
香港 台灣 北美
 
2012年05月24日

隔牆有耳:田少再戰新界東 鄉事派力挺 - 李八方

北區鄉事派晒冷,力撐田少(前排左三)喺新界東復出雪前恥。
許偉賢攝

年底嘅立法會選舉七國咁亂,好似新界東,建制派鬼打鬼,經濟動力預告有意派員入閘,有意喺新東強勢復出嘅自由黨榮譽主席田北俊自然受影響。上次敗北嘅田少今屆好進取,實地視察咗好多北區問題,令到一班北區大佬刮目相看,北區四個鄉事委員會主席噚日齊齊現身,力挺田少復出。

田二少揚言「跌橙執柑」

上水鄉委會主席侯志強笑笑口話,其他政團都打佢哋主意㗎,經濟動力文春輝約緊佢哋食飯,唔知係咪拉攏啦,但佢就對田少情有獨鍾,如果田少去馬,一定支持。盛傳西環同建制派會出手封殺,田少冇有怕,最重要做好自己嘅本份喎。
佢細佬田二少則喺新界西出征,進取到同葉劉喺報紙賣廣告,力促港鐵加價之時要推月票「全港通」,揚言「跌咗個橙,都要執番個柑」,怪唔之得梁振英同唐唐兩個都係爛生果,佢哋死都揀一個啦。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載