› 選擇地區
三藩市
紐約
洛杉磯
其他美國地區
香港 台灣 北美
 
2012年05月22日

隔牆有耳:葉偉明掛攞你命招牌 - 李八方

葉偉明喺大埔地區辦事處個招牌吊吊揈。
讀者提供圖片

9月立法會選舉快到,有意參選嘅政客啲廣告招牌,分分鐘勁過嗰啲豐胸瘦身廣告。但係有啲政客冇好好處理自己嘅廣告牌,搞到變咗危險招牌或者僭建物。就好似有意出戰新界東嘅工聯會葉偉明咁,佢喺大埔嘅地區辦事處舊年年底先開張,但唔知點解,門口個招牌咁快就有結構問題,其中一條吊索斷咗,搞到葉偉明個大頭招牌喺半空吊吊揈。工作人員已到場圍咗行人路,以免葉生「傷及無辜」。

新界西嘅僭建代表就係田北辰,佢喺元朗青山公路建成樓六字樓外牆,賣咗個超巨型燈箱廣告,但畀居民揭發係違建物,屋宇署已發信畀業信要清拆。田二少助手就話,噚日問過地產經理,發現真係有唔啱,估唔到之前地產冇同佢哋交代清楚。佢話會盡快取消呢個廣告喎。田二少曾經話過政府應先懲治新違法僭建物,唔知今次會點懲治自己呢?

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載