› 選擇地區
三藩市
紐約
洛杉磯
其他美國地區
香港 台灣 北美
 
2012年05月22日

隔牆有耳:而我不知許曉暉先生是誰? - 李八方

條街盛傳振英哥新設嘅文化局局長一職,會由「冇文化」背景嘅民政事務局副局長許曉暉升呢掌舵。許曉暉喺文化界算老幾?喺噚日新光戲院重開典禮上,八方乘機問吓演藝界人士意見,十居其九都唔知許曉暉係乜水。樂壇一姐謝安琪稱呼佢做「許先生」、家英哥叫佢做「許婉暉」。唔通佢哋想表達「而我不知許曉暉是誰」?
八方噚日問阿Kay對未來文化局有乜期望,阿Kay話對邊個做局長都冇意見,最緊要落力推動本地文化,希望未來局長正視表演場地不足問題,又話如果局長對文化有深厚認識就更好。八方追問許曉暉係唔係合適人選,點知阿Kay竟然話:「我唔係好悉識許先生」,搞到在場行家個個忍笑。
阿Kay做完訪問仲賣口乖,話覺得俾港聞版訪問好有趣。阿Kay後來問大家點解咁好笑?有記者話佢知其實許曉暉係女人。阿Kay當堂知衰,叫記者唔好寫佢講錯嘢囉。阿Kay又唔使怕醜嘅,只怪「許先生」知名度太低啦。

相關新聞:隔牆有耳:女姐開金口助興

望局長有文化背景

同場嘅關菊英同黃百鳴都話唔熟悉許曉暉,只希望文化局局長有文化背景,先會體會到佢哋嘅需要。家英哥更加叫錯許曉暉做「許婉暉」,佢話阿姐汪明荃都話許曉暉「好有能力」,相信佢掌管文化局會好快上手,叫市民畀啲時間佢。至於「許婉暉先生」出席完新光戲院開幕活動後,冇接受訪問就走咗。振英哥亦冇正面回應想邊個做局長,快快手閃咗去茶餐廳食麪。

mailto:pf_lee@appledaily.com

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載