› 選擇地區
三藩市
紐約
洛杉磯
其他美國地區
香港 台灣 北美
 
2012年05月07日

隔牆有耳:大家樂嫁女 白頭人胡仙贈興 - 李八方

久未露面嘅「報業女王」胡仙(右),頭髮變得斑白。

大家樂主席陳裕光前日嫁女,晚上喺上環西港城擺30圍宴請親朋,身穿OscardelaRenta銀色珠片晚裝嘅新娘陳浩寧(Candice)同新郎哥趙益坤(Leonard)大約晚上7時到達,Candice話喺西港城擺酒係因為大樓已被列為香港法定古蹟,喻意愛情永固。
有份出席嘅賓客有市建局主席張震遠夫婦、林建岳大女林恬兒、王䓪鳴個女Joyce、久未露面嘅《星島日報》前老闆胡仙都畀面蒲頭。曾經係「報業女王」嘅胡仙,呢幾年已鮮有公開露面,佢睇落精神唔錯,身形亦瘦咗一截,由女親友攙扶入場。胡仙最大嘅變化就係頭髮變得斑白,雪白嘅程度,拍得住當年喺《英文虎報》銷量篤數一案,放生咗佢嘅前律政司司長詩姐梁愛詩。

賓客公然犯交規

講番場婚禮,新郎哥為老婆製造驚喜,將有過百年歷史嘅西港城外的行人路亦鋪上紅地毯,雖然現場馬路係雙黃線,但賓客都照樣落車,但係就唔見有交通警喺現場,否則喺度抄牌都好和味。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載