蘋果日報 | APPLE DAILY
› 選擇地區
三藩市
紐約
洛杉磯
其他美國地區
2012年04月26日
馬上成為壹會員

沙膽虹手記:一姐第二春 - 沙膽虹

恒生一姐梁高美懿退休在即,正與新一姐Rose進行無縫交接,忙裏偷閒,已開始趁周末去吓短線旅行。前日一姐請傳媒在恒生總部博愛堂最後午餐,心情輕鬆之餘,亦顯得躊躇滿志。沙膽虹唔知係咪自己先入為主,總是覺得一姐咁後生會有第二春;如果個位吸引,她都會加入梁班子從政當官。
一姐的諗法真係跟梁振英好似。講到房屋政策,她好欣賞新加坡模式,即係政府起一些樓只賣給新加坡人,大陸人香港人其他人都唔買得,要炒要投資就買其他樓。那即是星人星地,亦即是梁振英所講的港人港地!席間傳媒同寅附和的亦好似唔少,沙膽虹只是講吓咁樣本地人買樓咪好難升值,都即刻好似變成地主階級一樣!
關於歐債危機,一姐話現時連估佢幾時會結束都無人敢估!其發展有兩個可能性:一就是爆煲,但這樣會好失控,好多國家可能會紛紛脫離歐元區,咁歐元債券點算?二就是一直拖落去,但歐元區十七個國家,點會齊心?真係唔知拖到幾時?言下之意,歐債危機有排影響全球,香港亦難免受牽連。梁振英新政府豈非要好好找一些有金融經驗的財金班子。一姐豈非適合人選?
沙膽虹

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載