噚日網民瘋傳一張香港小學相片，但唔係因為有明星仔女入讀，又或者政要到訪，而係因為佢哋公開為香港「除名」喎。
話說呢間喺天水圍嘅「香港普通話研習社科技創意小學」，英文名叫做「XianggangPutonghuaYanxishePrimarySchoolofScienceAndCreativity」。唔少網民睇極唔明「Xianggang」係乜，細讀之下，至發覺原來即係「HongKong」普通話拼音，慨嘆竟然有學校背棄HongKong之名，笑言呢間學校名副其實緊隨「強國」「強」起來。有網民睇唔過眼，即時發電郵向學校投訴，要求學校改返啱個名。有網民更順水推舟，整咗句普通話拼音「diaonllaomu」（圖）回應呢個學校名，至於點解，就要由讀者自己心領神會嘞。
