蘋果日報 | APPLE DAILY
› 選擇地區
三藩市
紐約
洛杉磯
其他美國地區
2012年04月14日
馬上成為壹會員

隔牆有耳:梁營好友 唐營家臣
天后誕大和解 - 李八方

噚日係天后誕,全港多處都有巡遊祈福活動,最熱鬧嘅莫過於由元朗十八鄉主辦嘅天后誕會景巡遊,除咗有超過30幾支表演隊伍舞龍舞獅,主禮嘉賓更加星光熠熠,除咗有新界王發叔、梁營嘅DreamBear劉夢熊、前布政司鍾逸傑,同場仲有唐營「家臣」林大輝畀面撐場。之前特首選戰唐、梁陣營互片,趁住天后寶誕各人放下成見,有講有笑,中央真喺要多謝天后娘娘促成今次嘅大和解!
一年一度嘅天后誕,八方去咗元朗會景巡遊趁熱鬧,超過30幾支表演隊伍由鳳琴街出發到元朗大球場,再去大樹下天后古廟祈福還神。八方之後仲入天后廟酬神上香,祈求天后娘娘庇佑香港事事順利,車公靈籤指香港人鬼不分,天后娘娘真係要幫忙撥亂反正。

相關新聞:隔牆有耳:黑金桃園登廣告賀誕

林大輝大讚CY有胸襟

而咁多條金色巨龍出動,沿途萬人空巷圍觀影相,令成條教育路水洩不通。舞龍舞獅八方見得多,但噚日嘅獅子同金龍好親民,不時行近去圍觀嘅市民,好多人都唔客氣伸手摸番幾下,沾吓好運。
適逢今年會景巡遊50週年,主禮嘉賓個個份量十足,當然唔少得新界王發叔,梁營「好朋友」鍾逸傑,同埋唐營「家臣」林大輝都喺看台排排坐一齊睇Show,仲有講有笑𠰺㖭!
八方問林大輝係咪已經「走唐」,佢大讚CY當選後不斷落區接觸政商界人士,相信佢有能力、胸襟團結社會各界。八方忍唔住問佢係咪變成「梁粉」,佢就話任何人士只要有誠意、有胸襟,以香港利益為根本,以香港市民大眾利益為前提,佢都一定會支持咁話。此外,旅發局昨天亦邀請多艘漁船在維港巡遊賀誕,漁農界係CY嘅支持者,噚日咁熱鬧,直頭好似預祝CY登基咁吖。

mailto:pf_lee@appledaily.com

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載