蘋果日報 | APPLE DAILY
› 選擇地區
三藩市
紐約
洛杉磯
其他美國地區
2012年03月18日
馬上成為壹會員

市民狂鬧 唔係選八婆

【本報訊】特首候選人電視論壇演變成唐英年大爆梁振英真面目的真人騷,市民昨致電電台烽煙節目,指兩位候選人的辯論令港人失望、丟架,批評二人誠信破產,不配做香港的特首,一定要有普選。有聲稱是選委的聽眾更直言,辯論令他更加認識唐、梁二人,決定投白票。
香港電台節目《千禧年代》昨早特設「特首選舉號外」環節,開放大氣電波予市民發表意見。

相關新聞:7.1後梁仍撐23條立法

「中央揀嘅都係垃圾」

市民陳先生指辯論令人失望,認為特首選舉應該係由一班優秀的人出選,「唔係好似細路仔咁,你一言我一語喺度舌戰」。他又說,原本寄望論壇可令港人更了解各候選人政綱,不是互揭黑材料,「市民唔係想睇鬧劇、邊個最衰,係想知未來有乜建設性嘅嘢做到」。
唐先生更批評,兩個候選人都誠信破產,「證明中央揀畀香港人所謂可接受(特首)都係垃圾,所以一定要有普選,隨便一個上台都係災難。余太則呼籲選委投白票,「兩個都揀唔落,一個正直但蠢得滯,爆料蠢到加零一。梁振英就咁奸,有鑊就卸,有功就自己邀,係香港人災難,揀過有能力嘅人啦。」

原望論政最終又抹黑

此外,也有多名市民指摘唐英年在論壇上爆政府高層會議資料是不負責任,「作為政府嘅高級司長,好多機密政府要採取保密,而你喺全港觀眾面前爆出來。」歐小姐更指唐英年言論不可信,「唐生你不嬲都講開大話,講多次,對住700萬人講又有乜奇怪呢。除非畀到進一步嘅事實,否則我唔信囉!」她稱,原本希望論壇可集中討論政策,但最終又是抹黑,「我哋係要選一個對香港政策事務熟識嘅人,唔係選一個八婆出來。」

相關新聞:商台節目倒董 阻續牌懲罰局中人力指梁振英是黑手

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載