› 選擇地區
三藩市
紐約
洛杉磯
其他美國地區
香港 台灣 北美
 
2012年03月16日

隔牆有耳:許鞍華讚《傻仔》惡搞海報 - 李八方

大導許鞍華大讚惡搞《桃姐》海報,話唐唐真係需要一位「桃姐」。
江俊豪攝

上周開始上映嘅《桃姐》係今年金像獎大熱,嗰張男女主角葉德嫻同劉華嘅電影海報,俾網民惡搞換成范徐麗泰同唐唐,戲名改為《傻仔》。《桃姐》導演許鞍華噚日話有睇到,覺得好好笑。
許大導話《桃姐》中港票房好勁,已經返本。八方問佢今次特首選舉豬狼互鬥,可否拍成電影,許大導即刻閘住,話呢啲戲蝕硬,「唔夠嚴肅,太過負面、兒戲……無必要去諷刺佢哋。」咁支持唐定梁呢?「我講支持邊個都冇用,因為都冇得選。」
許鞍華噚日應中大邀請出席「博群花節」。中大會喺今個月29日舉行首次花節,讓師生喺未圓湖邊賞花,邊誦詩邊聽音樂。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載